CO TYDZIYŃ PO NASZYMU: Prziszły uż taki czasy, że aji nowe wieca ludzie wyciepujóm do hasiokabyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Dzisio chycymy sie za to wszecko, co ludzie chybióm pod blache i tym hajcujóm. Kiejsi, co ciepło sie do kaczycy abo do kafloka, zgorało roz dwa, bo to chebzi było drzwewiane, abo papiórzane. Inszego nie było, bo downij kiejsi na świecie, jak czegosi nadbyło, abo nie było to uż przidajne, to szło to spolić w każdym piecu. Dzisio, jak sie pozamiato deliny, to na śmiatce je tela rozmajtego chebzio i charapucio, kiere nie idzie spolić, bo sóm tam yno kónski plastiku i świycóncego papióru. Eszcze nie tak downo, żodyn by nie wyciepoł do hasioka starego szranku, odmaryje i sztokerlika, bo to dycki szło to tak zrychtować, że nieskrzi fórt kómósi sie to godziło. Dzisio sie uż nic nie sprawuje, bo nowe wieca idzie wszyndzi dostać i tymu dziynnie widać całe stusy wyciepanego charapucio, kiere sie uż ani nie mieści w hasioku. Żodyn bardzo ani nie wiy kaj to nieskorzi wywiezóm i kaj to wyciepióm, bo rozchodzi sie yno ło to, coby to nie zawadzało. Mało gdo przeca wiy, że ty wyciepane wieca zustanóm kansi skrónżane, a nieskorzij możne aji spolóne. Do tego trzeja moc energije, kiero je coroz drokszo i skyrs tego za wszecko trzeja fórt wiyncyj płacić. Kiejsi chłopi chodzili w ancugach aji s dziesiyńć roków, a paniczki w szatach możne aji delij, bo na nowe chybiało piniyndzy, a po drugi żodno telewizornia nie namowiała nas do kupowanio fórt nowych wiecy. Przidzie czas, że naroz chybi placu na tej naszej ziymi, bo przeca kansi ty stare galaty, szaty, westy, strzewiki, jakle i insze mantle trzeja bydzie wyciepać abo spolić, jesi eszcze znóndymy na hołdach chocioż kapke wónglo. Mini słownik: chybióm - rzucają, hajcujóm - palą, chebzi - śmiecie, papiórzane - papierowe, przidajne - użyteczne, deliny - podłoga, śmiatka - zmiotka, charapuci - graty, wyciepoł - wyrzucił, hasiok - śmietnik, szrank - komoda, odmaryja - szafa, sztokerlik - taboret, dycki - stale, fórt - ciągle, sprawuje - naprawia, skrónżane - zmielone, skyrs - z powodu, ancug - ubranie, szaty - sukienki, westy - kamizelki, mantle - płaszcze, strzewiki - buty. Tóż mjyjcie sie wszedcy dobrze i wiesiołego popióntku
|
reklama
|
Dodaj komentarz