CO TYDZIYŃ PO NASZYMU: Ganc zbałuszónybyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Ni mógym fórt prziś na to, kiery piyrszy rzeknył, że “Cieszyn robi wrażyni”. Nie wiym co mioł na myśli, ale jak sie tak człowiek przeszpacyruje po mieście, to przidze na to, że isto musioł obezdrzić rozmajte wieca. Eszcze rozchodzi sie ło to, co rachujymy do miasta, a co do dziedziny. Bo nima w tym haśle rzeknióne, że sie rozchodzi yno ło cyntrum Cieszyna i skyrs tego je żech ganc zbałuszóny. Zacznym łod tej nowej galeeryji STELA, kiero fakt robi wrażyni, ale naprociw ni jak sie podziwómy ku sztrece, po kierej uż dwacet roków żodyn cug nie jeździ, to też cosi robi wrażyni. Posunióni w rokach tustelocy na zicher se isto to dobrze spóminajóm, jak pod tóm sztrekóm szło przelyś na drugóm stróne, a dzisio je to zarośnióne chrostami i zabite poszkryfanym falowanym plechym. I fórt nie wiym co robi na ludziach wiynksze wrażyni ? Czy ta naszo galeryja w kierej idzie trefić na piyńć kszeftów s telefónami, czy wedla ni, ta zabito dziura starym zmazanym wygrafitowanym plechym. Takich wiecy mómy pełno w Cieszynie i nigdy nie wiadómo na co sie podziwać, coby zachycić to wrażyni. Nie trzeja daleko szukać, bo na Wyżsej Bramie pod nomerym 2 uż s dziesiyńć roków tymu kierysi rozbuloł chałupe i tak to do dzisia je pochynióne. A na prociw ni stoji piekny, nie tak downo opucowany Klasztor Boremeuszek. I dwóch by sie biło, kiero s tych łobu wiecy robi na ludziach wiynksze wrażyni. Na iste, jak jakisi lufciorz to uwidzi i wróci sie nieskorzij do chałupy, to nie bydzie poradzioł swojim przibuznym rzeknóć, kiero ta cieszyńsko chałupa tak naprowde zrobiła na nim to prowdziwne wrażyni. Mini słownik: fórt - ciągle, rzeknył - powiedział, przidzie na to - wpadnie na to, wieca - rzeczy, co rachujymy - co zaliczamy, dziedzina - wieś, skyrs - z powodu, zbałuszóny - zdezorientowany, podziwómy - popatrzymy, sztreka - tor, cug - pociąg, na zicher - na pewno, przelyś - przejść, chrosty - krzaki, poszkyfane - popisane, plech - blacha, trefić - spotkać, kszteft - sklep, wedla - obok, zmazane - pobrudzone, pochynióne - porzucone, opucowany - otynkowany, na iste - na pewno, lufciorz - turysta, uwidzi - zobaczy, przibuzny - krewny. Tóż mjyjcie sie wszedcy dobrze i wiesiołego popióntku
|
reklama
|
Dodaj komentarz