, piątek 25 września 2020
CO TYDZIYŃ PO NASZYMU: Cosi przeca popuściło, bo hałdamasz idzie uż zrobić na rynku
Uż dłógi roki moc tustelokow fórt upłakuje, że Cieszyn tak mało nawszczywio lufciorzi i letnikorzi. Jako tych wszeckich ludzi tu do nas przignać, jakosi żodyn do dziśka nie prziszeł na to.  fot: FJD



Dodaj do Facebook

CO TYDZIYŃ PO NASZYMU: Cosi przeca popuściło, bo hałdamasz idzie uż zrobić na rynku

FJD
CO TYDZIYŃ PO NASZYMU: Cosi przeca popuściło, bo hałdamasz idzie uż zrobić na rynku

"...postawili wielkóm scyne..." . fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Jakisi hałdamasz

Uż dłógi roki moc tustelokow fórt upłakuje, że Cieszyn tak mało nawszczywio lufciorzi i letnikorzi. Jako tych wszeckich ludzi tu do nas przignać, jakosi żodyn do dziśka nie prziszeł na to. Ale jak ich od nas odegnać, to idzie nóm to snadno. Dejmy na to, dzisio jak mało gdo sie kansi za granice ruszo, to chciołby chocioż zozdrzić to jakigosi pieknego miasta. Górnoślónzoki przeca wiedzóm, jaki mómy szumny tyn postrzodek miasta, s rotuzym do kupy i skyrs tego radzi nikiedy by chcieli do nas zozdrzić. Pasuje im to dycki w soboty abo niedzielem, bo nie idóm do roboty. I jak uż tu przijadóm to gónióm kaj sie yno do, coby strzelić se fotke i mieć na ni ze zadku rotuz, abo chocioż Floryjana. Ni ma to tak leko, bo, kierysi prziszeł na to, coby na rynku w te dnie, postawić taki wielki gesztele, kiere sóm wiynksze łod nikierych chałup. Zeszły tydziyń wystawili na rynku taki wielki gumiany gesztel, kiery udowoł ekran łod kina i zastawioł sobóm cały rotuz. Coby to było uż ganc do kómpletu, to po drugi strónie przi Dómu Narodowym postawili wielkóm scyne, kiero zawadzała tym, kierzi chcieli mieć fotke s tóm staróm chałupóm ze zadku. Wszecko to było przirychtowane do Cieszynioków, bo przeca dlo tych co tu sie do nas prziplyntóm, tako nowoczesność ni ma żodnóm atrakcyjóm. A jo tak rozmyślóm, czy lepszyj je robić dlo tusteloków jakisi hałdamasz na rynku, czy nie lepszyj by było nie zastawiać tych pieknych chałup, co ich mómy pełno na rynku. Lufciorze i letnikorze dycki se wolóm cyknóć fotki s pieknymi chałupami, kierymi nieskorzij bydóm sie mógli pochwolić swojim przibuznym. Isto ni ma takigo, coby rzeknył co by było lepsze!

Mini słownik:

fórt - ciągle, lufciorz - turysta, letnikorz - wczasowicz, nawszczywio. - odwiedza, żodyn - nikt, nie pirzszeł na to - nie wpadł na to, kansi - gdzieś, zozdrzi - zajrzeć, szumny - piękny, rotuz - ratusz, skyrs - z powodu, gónióm - latają, gesztele - konstrukcje, ganc - całkiem, przirychtowane - przygotowane, hałdamasz - zabawa, dycki - zawsze, nieskorzij - później, przibuzny - krewny, rzeknył - powiedział.

Tóż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama