, sobota 26 września 2020
CO TYDZIYŃ PO NASZYMU: Coby aspóń małoś nie wiela utar-żyć, to trzeja sie kolem kszeftu fest nadrepsić
Ni ma miejsca w Cieszynie, coby nie szło na nim jakisi chyby wychledać. Dejmy na to taki Stary Torg, na kierym za dnia przedowano je w dwóch budach rozmajto zielynina i owoce, a ku wieczoru ty budy muszóm zrobić plac auciskóm.  fot: FJD



Dodaj do Facebook

CO TYDZIYŃ PO NASZYMU: Coby aspóń małoś nie wiela utar-żyć, to trzeja sie kolem kszeftu fest nadrepsić

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Każdy dziyń skludzać

Ni ma miejsca w Cieszynie, coby nie szło na nim jakisi chyby wychledać. Dejmy na to taki Stary Torg, na kierym za dnia przedowano je w dwóch budach rozmajto zielynina i owoce, a ku wieczoru ty budy muszóm zrobić plac auciskóm. Hań downij jak eszcze w Cieszynie nie było dzisiejszego rynku, to tyn kónszczek rownego placu, był nejwiynkszym miejscym, kaj szło rozpostrzić sie s jakimisi kszeftym i przedować co popadło. Dzisio uż tak ni ma, bo stojóm tam yno dwie budy, kiere dziynnie ku wieczoru sóm skludzane. Kszefciorze kierzi s tym interesym sie łogawióm ni majóm s tym leko, bo dziynne to skludzani tych wszeckich wiecy do żodnego szpasu nie patrzi. Przeca to je cało kupa tych drzewianych kiśniczek w kierych majóm poukłodane ty wszecki wieca. Zaś każde rano, trzeja spadki s tych kiśniczek to powysmykować, coby ludzie widzieli co łóni majóm do przedanio. Mało gdo wiy wiela to trzeja kolem tego sie nazwyrtać i wiela sie kolem tego treja sie nadrepsić. Samo to przeca do tych autów nie wlezie i wszecko, to trzeja włośnymi siłami do tych aut wstyrczyć, a każde rano zaś spadki to wysmyczyć, coby cosi przeca utar-żyć. Tak podobno, to uż trwo kolem trzicet roków i jakosi ni ma widoku na cosi lepszego. Miały snoci tam kiejsi być wystawióne nowe budy, kierych nie trzeja by było każdy dziyń skludzać. Jakosi sie to do dzisia nie podarziło, bo isto na to chybiło piniyndzy, abo ci co to mieli ty budy postawić nie prziszli ze sebóm do porzóndku.

Mini słownik:

chyba - wada, wychledać - wyszukać, dejmy na to - dla przykładu, zielynina - warzywa, hań downij - bardzo dawno, kónszczek - kawałek, kaj - gdzie, rozpostrzić - rozciągnąć, kszeft - interes, buda - stragan, skludzane - sprzątane, krzefciorze - handlarze, łogawióm - zajmują, wieca - rzeczy, szpas - żart, kiśniczka - pudełko, powysmykować - powyciągać, nazwyrtać - nakręcić, nadrepsić - nadreptać, włośnymi - własnymi, wstyrczyć - włożyć, spadki - z powrotem, utarżyć - zarobić, snoci - podobno, kiejsi - kiedyś, wystawióne - wybudowane, nie podarziło - nie udało się, do porządku- do porozumienia.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama