CO TYDZIYŃ PO NASZYMU: Wystawióne kiejsi chałupy fórt pieknie sie dzierżóm “...widać roki w kierych zustały postawióne”. fot. FJD  “Jyno ta sztworto łod kóńca...”. fot. FJD  Dzisio Wóm zaś poczytóm po naszymu opowiadanie "Otwarto granica" Henryka Jasiczka, z książki "Humoreski Beskidzkie". fot. FJD Redakcja portalu www.gazetacodzienna.pl nawiąże współpracę z miłośnikami naszej pięknej, cieszyńskiej gwary, którzy podjęliby się współtworzenia "Kącika gwarowego" poprzez pisanie gwarą krótkich opowiadań o swoich miejscowościach. Mogą one przybrać formę wspomnień lub aktualnych spostrzeżeń na temat swojej "małej ojczyzny". Przesłane opowiadania mogą zapoczątkować cykle: "Szpacyrek po..." Skoczowie, Strumieniu, Goleszowie lub innej cieszyńskiej miejscowości. Chętnych prosimy o kontakt telefoniczny lub mailowy. Tel. 602-571-636 lub redakcja@gazetacodzienna.pl cd. słownika: bantować - hałasować bańka - małe naczynie na mleko być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Czy uż tego pisanio ło tych srandownych wiecach co widać na cestach w Cieszynie ni mocie doś? Jakosi żodyn nic nie pisze to możne, że dzisio sie też mi to podarzi i kierysi zaś to poczyto. Teraz doszlimy do tej chałupy co stoła s dziesiyńć roków ganc prózno, bo isto tak dłógo rozmyślali s jakimi lajbikami tam kszefcić. Możne, że też wystawili te chałupe skyrs tego coby mieli kaj przirażować ty wszecki reklamy. Je ich tak moc, że jyno tyn cokiel przi tretuarze sie obstoł i je do dzisia goły, ale czy dłógo sie mu to podarzi to nima iste. Za tym winklym stoji pore pieknych chałup kiere eszcze zustały postawióne za Franca Jozefa i do dzisia im nic nie chybio. Na nikierych eszcze widać roki w kierych zustały postawióne a było to uż tak downo, że nie nóndymy ludzi w Cieszynie coby to pamiyntali. Jyno ta sztworto łod kóńca jakosi nie pasuje do tych inszych, bo zustała wystawióno za socjalizmu a wtedy żodyn nie wydziwioł s ozdobami kole łokiyn. To wszecko mómy po lewej strónie, bo po prawo miasto Cieszyn mo nejmoderniejszy banhof dlo cugów i auobusów. Jak przidzie lato to sie zacznóm sjyżdżać lufciorze i letnikorze coby se porobić fotki przi tym piyrszej światowej klasy zabytku. Nie downo tu u nas był prezydynt s Warszawy to trzeja mu to było pokozać i spytać sie go czy go nima gańba za to starucne miasto, kiere mo uż przeszło tysióncdwiesta roków. Niech mi kiery powiy czymu to tak u nas je, że my nie poradzymy szanować roboty naszych łojców, yno skyrs tego, że kapke inakszyj dziwali sie na tyn nasz polski świat. A łojcowie miasta przeca też mógli porozmyślać coby eszcze tyn PKS udzierżeć aspóń pjyńć roków bo uż by był rachowany jako zabytek i tak jako Pałac Kultury i Nauki we Warszawie nie śmioł by być obalóny. Je przeca w Polsce taki przepis kiery prawi, że chałupa kiero była wystawióno przed pińdziesiyńcióma rokami je zabytkym i ło tym panoczkowie urzyndnicy w magistracie trzeja wiedzieć ! ! ! A teraz zaś fajny wic: - Antón nie wiysz czymu moji strzewiki tak fest skrzipóm? - Boś ich nie zapłacił! - Nie trzistej. - Jo mojich galot też nie zapłacił a eszcze do dzisia ani roz mi nie zatrzeszczały. Mjyjcie sie wszedcy dobrze i wiesiolego popióntku. Dzisio Wóm zaś poczytóm po naszymu opowiadanie "Otwarto granica" Henryka Jasiczka, z książki "Humoreski Beskidzkie".
|
reklama
|
|||||||||||||||
|
S tymi wykopaliskami to je tak,że isto by hledali,bo jak sie im chce pod łocean zaglóndać to kilometrowy lodowiec to je taki psinco. A co do tego wica :
Nauczycielka we szkole prawi:
dzisio mocie namalować starke i starzika.
Jozefek namalowoł, prziszeł do chałpy i prawi:
starziku stareczko pani we szkole kozała mi was namalować,
tu mocie ty łobrozki.
Starka zadowolóno jak fazol na wiosne ale starzik uż kapke miynij.
Pyto sie malego Jozefka:
Jozefku ,a czymu żeś mi nie namalowoł włosów?
Na starziczku ,wystow se,że we szkole ni mieli łysej kredki...
Mogóm być i wice ło blóndynkach, bo jo akurat móm czorne kudły :)
O blóndynce
Blóndynka roztrzaskała auto i siedzi na przikopie i łokropnie beczy.
Zastawił sie kole nij chłop co jechoł na kole i tak ji prawi:
paniczko co tak łokropnie beczycie?
A bo jak sie to mój chłop dowiy to bydzie sumeryja isto mie s chałpy wyciepie.
Ale dyć nie beczcie, musicie yny doś dobrze do rury wydechowej dmuchnyć a to sie wszystko wyprości.
Blóndynka ,posłuchała chłopa , tyn zaś pojechoł dalij.
Blóndynka dmucho uż godzine do rury wydechowej a tu nic, auto ani nie zatrzeszczy.
Prziglóndo sie tymu z innego auta drugo blóndynka i wreszczy do tej piyrszej.
Ale tyś je gupio,hihihi na dyć se piyrsze musisz zawrzić dwiyrze!
Pozdrawióm moc pieknie.Blóndynki specjalnie- co by sie nie łobraziły...
Dziołcho stela,
mosz prowde s tymi wykopaliskami, ale jak bedzie dworzec pod kilometrowym lodowcym, kómu by sie już go tamchciało chladać.
Jak chcesz wic, tóż jakisi mogym. Ty wiysz, to nasze przigupawe chłopski plymie nie wymyśli nic inszego, jyny wice ło blóndynkach. Tyn mój je ale taki ganc niewinny, tóż chciołbych wierzić, że sie żodyn nie łobrazi. Nakóniec, jo już też je wtórny blóndziok a łokrym tego jeszcze aji łysy. Tóż posłóchej.
Blóndynka przidzie do nimieckigo supermarketu a pyto sie sklepikorza:
"Panoczku, mocie baterki ?"
Sklepikorz na to: " Wie, bitte?"
A blóndynka: "na to je ale debil, przeca jasne, że nabite".
(tłumyczyni puenty dlo tamsteloków: baterki sóm baterie, wybite znaczy po naszymu rozładowane a nabite - naładowane)
.
Aby to było sprawiedliwe, aji cosi ło dochtorach. Mówi główny chirurg na sali łoperacyjnej do asystyntów: "teraz zacznymy amputacyje prawej rynki".
ZZZZZZ- hóczy elektryczno piłka. "Prawiłech prawej" podniesiónym głosym mówi chirurg.
ZZZZZZ-hóczy piła. "Cholera, prawiłech rynki" - wrzeszczy chirurg,
ZZZZZ - charczy piła. "Pacyjyntowi! Pacyjyntowi!!! ... Jezusku, pacyjyntowi, wy debile...":
.
Ty byś zaś mógła cosi wymyśleć na łysych. Tóż sie miyj.
Wiysz Andrzeju jako to ludziska prawióm? Bezmała taki stare klamoty majóm też swojóm dusze.Napisołeś ,że na czerta sie starać ło stare budy a dopiyro o jakisi dworzec PKS-u. Na jo se myślym ,że ni na czerta. Dycki żeś se isto nie wszemnył,że nawet jak by go kiesi zarosła dżungla,przikryła woda abo lodowiec, to jak by my dzisio ło niego dbali to ci ludzie (kierzi obydóm) by mieli zaś robote przi odkopowaniu znalyziska (bo by mieli co, a tak bydóm mieć psinco). Możne akurat by trefili na dworzec PKS-u a możne eszcze by sie tam jaki Auto-san obył :)Widzisz Andrzeju, jak nie zacznymy dbać ło stare wiece -my- to młodzi ło nich nie zadbajóm. Óni to tak yny, wde do przodku , do zadku sie nie dziwać na to co było hań downi. Dzisio nie zważajóm na stare wiece, bo nie sóm im potrzebne, a jutro nie bydóm zważać na starzików, bo sóm starzi i wiela nie poradzóm. Lepszy tu szrajbnij jakigo wica , bo Ci tak powiym że zaś sie nóm tu robi jak w marnicy. Jo znałach fajnego wica yny se go muszym spómnieć a na hónym nie poradzym :):):) (jeżech w robocie, jak bydym w chałpie to sie muszym chłopa mojigo spytać jako to szło tyn wic)Pozdrawióm moc pieknie...
A to jeszcze ku tym starym klamotóm, coch kansik naszeł na internecie:
.
Nie wyrzuca się starych gratów
z mnóstwem skarbów
w sekretnych schowkach.
Pamiętaj, mnie też nie wyrzuć,
wszakem twój skarb, najdroższa !
Wiela ludzi mo dziwnóm pasyje łopatrować stare rupieci. Szkoda jim wyciepać dziurawy garniec, smdrodlawy bót, zardzowiałóm trómbe albo niepojazdny wrak. Ło takich ludziach mówiymy, że sóm to tradycyjónaliści. Je s nimi straszno łutropa, ale na drugi strónie je to aji na cosi dobre, bo chłop, kiedy sie ni może rozłónczyć se staróm Syrynkóm ze siedymdziesióntych roków, na isto bedzie wierny aji swoji babie.
Sóm też ludzie, kierzi majóm szpecyjalny syntymynt ku starym budóm. Nie być takich ludzi, tak dzisio uż nie stoji Coloseum we Wiecznym Mieście ani stary Sfinks, kiery dowo pozór, aby gdosi nie rozebrol piramidy na zakłady pod chlywki.
Je to szczytno wiec, tak sie starać ło stare budy. Niedowno żech ale kansi czytoł, że nałkowcy naszli prastary zatopióny kóntynynt, kiery spojowoł hań hań downi wyspe Madagaskar se subkóntynyntym indyjskim. Była to krasno zielóno ziymia, po kierej góniły (sie) kangury albo aji tygry szablozymbne, a tu mosz, upłynyło słabych dziesiynć milijónów roków a wszystko je w rzici... chciołech powiedzieć trzista metrów pod wodami Łoceanu Indyjskigo
Tóż na czerta sie starać ło Colosea, a to już nie mówiym ło jakimsi dworcu PKP w Cieszynie, jak aji tak pryndzyj albo nieskorzi wszysto zarośnie dżungla, przikryje woda albo lodowiec.
Co Ty na to, Dziołcho stela?
Ten wic opowiadał chyba gospodarz teleturnieju Familiada w TVP2.
Taki to uż dycki je. Jak by kiery nie wiedzioł o co idzie to dycki idzie o pinióndze! A PKS jak by stoł sie uż zabytkiym ,to jak by kiery chcioł go kupić to by mioł takóm sumeryje ze wszystkimi papiórami,że hej. Nie śmioł by tam żodyn ,nic po swojimu wyrychtować. Piyrsze by musioł z kónserwatorym zabytków godać ,pieknie mu zapłacić. A ón by yny za te pinióndze szrajbnył swoji miano.Po tym zaś inne urzyndy by mioł po ceście,w kierych też musioł by płacić,płacić- nic yny dej...Dzisio uż mało kiery dowo pozór na zabytki. By tak chciały chocioż roz tak naprowde, godzinki chodzić fest po zadku,może by my cosi z tych zabytków uratowali. Ale prowda je tako,że godzinek nie zastawiymy.Piniyndzy też żodyn ni mo za tela żeby wszystki zabytki w Cieszynie uratować. A je nas za mało, co by my mógli tym pieróńskim gizdóm w magistracie uświadómić ,że jak bydóm historyje na pinióndze liczyć to ich też kierysi w kóncu sprzedo. Pozdrawióm moc pieknie.
Dodaj komentarz