, niedziela 14 lipca 2024
Przi niedzieliczce, coby nie zapomnieć naszej rzeczy: Jedyn Panoczek
”...nejważniejszy je tam SPOT...”. fot: FJD



Dodaj do Facebook

Przi niedzieliczce, coby nie zapomnieć naszej rzeczy: Jedyn Panoczek

F.J.DRAL
Przi niedzieliczce, coby nie zapomnieć naszej rzeczy: Jedyn Panoczek

”...na warsztat ta chalupka nie wyglóndo...”. fot. FJD


Przi niedzieliczce, coby nie zapomnieć naszej rzeczy: Jedyn Panoczek

”...plac na pore autobusów...”. fot. FJD

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Jedyn Panoczek

W tej zielónkatej chałupie przi kierej stanyli my łostatnio sóm eszcze inksze kszefty. Nejważnieszy jednakowóż je “SPOT” kiery łóńskigo roku świyntowoł swoji patnoste założyni. W tym “SPOCIE” robióm rozmajte szydy dlo kszeftów, abo też przilepióm wóm wszelijaki chwolidła na wasze auto. Mogóm też wydrukować rozmajte plakaty, abo insze wieca, kiere se zawinszujecie. Je też tam redakcyjo “Gazetycodziennej.pl”, kiero wszeckim cieszyniokóm pumogo w tym, coby każdy dziyń ludziska wiedzieli kaj, gdo i co wynokwił w całym powiecie. Je też tam u nich jedyn panoczek co pisze po naszymu i co tydziyń chce tustelokóm cosi napisać ło Cieszynie, coby nie zapómnieli naszej rzeczy. Zaś na prociw po drugi strónie cesty w taki żółtej chałupce, kierysi mo kszeft s maszynami firmy “Kärcher“, kiere sóm przidajne do pucowanio wszelijakich zmanych wiecy. Na kszeft ani na warsztat ta chałupka nie wyglóno, bo mo jakómsi szpiczato - kostkatóm maluśkóm wieżyczke w kierej możne kiejsi wisioł aji mały zwón. Zaś ganc u wyrchu pod dachym je maluśko gablotka kiero pasuje na świyntóm figurkem abo łobrozek. Zaroz wedla na sztyróch kulikach stoji piyńć modrych kiśniczek do kierych poczciorze wciepujóm listy. Takóm teraz majóm wygodem, że nie muszóm do każdej chałupy sie szmatlać pieszki i skyrs tego poradzóm zaszporować na zolowaniu bótów. Nie wiym czy ty kiśniczki sóm taki porynczne, bo żodyn do nich nic nie poradzi wciepać yno poczciorze. Kapke głymbij zaroz na skryncie s ulicóm Chłodnóm je plac na pore autobusów, kiere fórt tam stojóm i nie wiym na co czakajóm. Kierysi tyn plac chce najóńć, bo wywiesił wielkóm biołóm płachte s nomerym telefónu.

Mini słownik:

  • kszeft - interes,
  • chwolidło - reklama,
  • wieca - rzeczy,
  • zawinszować - zażyczyć,
  • wynokwić - wywinąć,
  • nasza rzecz - nasza mowa,
  • cesta - droga,
  • pucować - czyścić,
  • kiśniczka - pudełko,
  • wciepać - wrzucić,
  • poczciorz - listonosz,
  • fórt - ciągle,
  • kierysi - ktoś.

    Tóż mjyjcie sie wszedcy dobrze i wiesiolej niedzieliczki!

    Dzisiejszy tekst ma tytuł "Jedyn Panoczek".

  • Komentarze: (1)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Starzy Krośnianio tu chodzili i mowili na to dziedzina i kaj sie obrócisz same zabytki, tyn zielony to była szkoła, nie wyglądo na zabytek bo cołkym na nowo wyrychtowany, Starzy wiedzą, a młodym do czego to potrzebne, bo widzym, jak by autorowi też nie zoleżało.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama