CO TYDZIYŃ PO NASZYMU: Bydymy pokazować młodziokóm jak kiejsi w Cieszynie mieilmy moc roboty

"...a ku tymu nauczóm nas jeździć na aucie...". fot. FJD

Dzisio Wóm zaś poczytóm po naszymu opowiadanie ”Od kolebki do grobu” - NARODZINY - ODWIEDZINY POŁOŻNICY - CHRZCINY, Marii Pilch z książki "Wisła naszych przodków". fot. FJD

Szanowni internauci i miłośnicy naszej cieszyńskiej gwary: Zapraszamy Was do wystartowania w konkursie na "Najpiękniejsze Cieszyńskie Słowo". Na naszym portalu www.gazetacodzienna.pl należy kliknąć na wiadomości a potem w spisie odszukać hasło "Najpiękniejsze Cieszyńskie Słowo" i w ten sposób można zapoznać się jak wystartować w konkursie. Kupon konkursowy można też otrzymać we wszystkich bibliotekach powiatu cieszyńskiego od Istebnej po Zebrzydowice. Dlatego zachęcamy też wszystkich, którzy preferują pismo odręczne o pobranie i wypełnienie kuponów konkursowych w naszych powiatowych bibliotekach.

cd. słownika:

baba - kobieta
Przi płocie stoła jyno jedna baba mi nadowała.

babczok - liść babki lancetowej
Prziłóż se tyn babczok na to łodrzite kolano to ci sie hnet zagoi.

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Chocioż rozcióngnóć tepichy

Nie wiym czy mi sie udo namówić łojców miasta do postawiynio tych dziesiyńć muzeów, bo jak nimieli grosza na kupiyni autobusowego dworca to tym tuplym nie bydóm wydziwiać s inkszymi wiecami. Bez roboty by to mieli jakby sie im udało łopucować banhof na Kolejowej i tam chocioż rozcióngnóć tepichy coby sie ludzie nie zmazali jakby prziszli łobezdrzić jako to sie kiejsi bilety na cug przedowało. Znaszło by sie eszcze pore takich pochyniónch fabryk w kierych Cieszyniocy mieli kiejsi robote a dzisio jyno tam wiater śmieci rozganio abo przedujóm tam jakisi stare wyświechtane galaty, jakle abo insze szaty. Popisane też je wszecko kaj sie jyno do w tej śmiysznej czeski rzeczy i potym człowiek nie wiy kaj je, czy eszcze w Cieszynie czy uż na Zaolziu. Dejmy na to w tej kiejsi pieknej drukarni dowiymy sie, że przedujóm tam "slevy", "zbożi" is "nabytek" a do tego eszcze wymiynióm wóm całom łoblyczke, kieróm żeście kupili na wiosne na zimowe jakle i mantle. Kónszczek dalij je ta staro eszcze przedwojynno drukarnia kierej też żodyn nie darowoł i powylepioł na ni co sie jyno dało. Nóndymy tam jakisikej kancnaryje, kościół nieznómej mi wiary a ku tymu ogłoszyni kómu mogymy zaniyś plastikowe szpunty do zakryncanio. Jakby tego chybiało to eszcze mogymy se tam przeszyć galaty jak nóm przibyło brzucha a ku tymu nauczóm nas jeździć na aucie, kiere mómy se zamiar kupić. Zaś za winklym namowiajóm nas coby se nónś swoji miejsce na ziymi i sie uż nie szolóntać po Cieszynie, bo i tak tu żodnej roboty tu nie nóndziecie.

A teraz zaś fajny wic:

- Milaczku mój - prawi baba do swojigo chłopa: Przed wiesielim toś mi kupowoł rozmajte piekne wieca a teraz uż ani kwiotka mi nie kupisz! - A widziałaś ty coby wyntkorz kormił rybe jak uż jóm chyci?"

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie ”Od kolebki do grobu” - NARODZINY - ODWIEDZINY POŁOŻNICY - CHRZCINY, Marii Pilch z książki "Wisła naszych przodków".Ciąg dalszy za tydzień