, niedziela 23 czerwca 2024
CO TYDZIYŃ PO NASZYMU: Jak roz fujo śniegym a po drugi świyci słóńce to niewiadómo jako sie oblyc
”Dalij za krziżowatkóm s ulicóm Jaworowóm je “Spożywczy”...” fot: fot.FJD



Dodaj do Facebook

CO TYDZIYŃ PO NASZYMU: Jak roz fujo śniegym a po drugi świyci słóńce to niewiadómo jako sie oblyc

F.J DRAL
CO TYDZIYŃ PO NASZYMU: Jak roz fujo śniegym a po drugi świyci słóńce to niewiadómo jako sie oblyc

”...”je aptyka,kiero przidajno je...” fot.FJD


CO TYDZIYŃ PO NASZYMU: Jak roz fujo śniegym a po drugi świyci słóńce to niewiadómo jako sie oblyc

”...kszeft,kiery poradzi poprawić paniczkóm zdelke rzęsów...” fot.FJD

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.


ISTO ZE DWACET

Latoś nima porzóndnej zimy, a wiosna też eszcze nie poradzi sie do nas przikludzić i skyrs tego nie wiadómo w co sie oblyc. Dobre, że chocioż miasto dbo ło tretuary i ludziska razym sy mnóm poradzóm suchóm nogóm po mieście sie szmatłać. Dzisio trefiłech na taki kszeft, kiery poradzi poprawić paniczkóm zdelke rzęsów, chocioż myślym se, że chłópóm kierzi by mieli taki winsz, też by sie to isto podarziło. Dalij za krziżowatkóm s ulicóm Jaworowóm je “Spożywczy”/bo tak pisze na szyldzie/ na kierym kómusi chybiło placu, coby zmianować go sklepym. Jak jednakowóż, kiery sie tak dobrze przizdrzi tymu szyldowi, to przidzie na to, że idzie aji u nich dostać wiślański kołocze upieczóne na gorolskim recepisie. Zaś kónsek s przodku, na płocie posztrajchowanym na zielóno wiszóm trzi chwolidła, kiere gdosi mioł potrzebem tam przirazić. Isto rozchodziło sie mu ło to, coby żółci sie mu nie uloło jak bydzie łoglóndoł tyn goły płot. Na ulice Kossak-Szatkowskiej, kiero mo zaroz krziżowatke nie bydymy dzisio wlazować, bo nejprzód trzeja sie przizdrzić wszeckimu co eszcze zustało do łopisanio na ulicy Hallera. Zarozinko za szyldym kiery nas kieruje na Osiedle Podgórze je aptyka, kiero isto przydajno je dlo tych tusteloków, kierzi tam wedla ni majom kwartyr i skyrs tego nie muszóm po żodnóm aspiryne lecieć ku miastu. Mómy w Cieszynie tych aptyk isto możne tymu uż ze dwacet, coby każdy nimocny mioł jóm wedla swojigo kwartyru i nie zanimóg bardziyj przi góniniu po mieście za lykami. Kónsek dalij po lewo sóm jakisikej dwa salóny i atelier, a ku czymu łóny patrzóm napiszym na prziszły tydziyń.

Mini słownik:

  • oblyc-ubrać,
  • trefić –spotkać,
  • kszeft-interes,
  • zdelka-długość,
  • winsz-życzenie,
  • chybiło-zabrakło,
  • zmianować-nazwać,
  • przizdrzi-przyglądnie,
  • kapke-trochę,
  • posztrajchowany-pomalowany,
  • przirazić-przyczepić,
  • wlazować-wchodzić,
  • przidajno-pomocna,
  • skyrs-z powodu.
  • Miyjcie sie wszedcy dobrze i wiesiołego popióntku!

    Dzisiejszy tekst ma tytuł "Isto ze dwacet".

    Komentarze: (0)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama