, wtorek 23 kwietnia 2024
 CO TYDZIYŃ PO NASZYMU: Kustowani w gospodzie to je drogi szpas
...że patrónym tego kszeftu je “SPOŁEM”. fot: FJD



Dodaj do Facebook

CO TYDZIYŃ PO NASZYMU: Kustowani w gospodzie to je drogi szpas

F.J. DRAL
 CO TYDZIYŃ PO NASZYMU: Kustowani w gospodzie to je drogi szpas

tu idzie uwidzieć s fróntu te gospode kiero “MASKA” sie mianuje, fot. JFD


 CO TYDZIYŃ PO NASZYMU: Kustowani w gospodzie to je drogi szpas

ulicze Równóm i Spacerowóm żodnymu nie przidzie do czepaniI...” fot. JFD

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.


SPOŁEM I DOPIERO WSTOŁEM

Dalij ku Puńcowu uż nima bardzo co łoglóndać, bo chałupy sóm w zogródkach, a żodnego kszeftu wedla nich nima. Po ceście minymy dwie ulice, kierych miana na iste sie obstojóm chocioż niewiadomo gdo i kiedy by w ratuszu rzóndził. Bo przeca ulice równóm ani spacerowóm żodnymu nie przidzie do czepani przechrzcić na co inkszego. Tak czy inakszyj trzeja bydzie sie zwyrtnóć i spadki wlyź na ulicem Tomanka na kierej cosi sie przeca możne podarzi Uwidzieć. Na krziżowaczce s ulicóm Śniegónia i Tómanka idzie uwidzieć s frontu te gospode kiero “MASKA” sie mianuje. Fórt jednakowóż ni mogym prziś na to skyrs czymu taki miano kierysi ji wynaszeł. Na łokapie mo taki szyld na kierym som wymalowane taki gymby masek podobne do tych, kiere naździywajóm na czepanie italijańcy na festiwalu w Wenecyji. Możne, że to miano by bardziyj pasowało w jakisikej gospodzie na przikopie, kieróm cieszyniocy wenecyjóm nazywajóm. Nie bydym żodnymu rozporzóndzoł jako se mo swój kszeft mianować, bo to je jejich problym, ale poradzić kómusi nigdy to nima grzych. S jejich szyldu eszcze sie idzie wywiedzieć, że u nich kustujóm sie rosmajte ważne kszefty w Cieszynie, kiere na tym szyldzie sóm zmianowane. Kónsek dalij je żółto-pamereńczowy kszeft, kiery nazywo sie pawilónym Handlowym i chwała im za to, że nima Łón żodnym marketym. Po polsku też idzie poczytać, że patrónym tego kszeftu je “SPOŁEM” co kiejsi kabareciorz laskowik za socjalistycznych czasów i śnich srandowoł, że “społem i dopiero wstołem”. Dzisio uż nima gróntu ś nich srandować, bo wszecki jejich kszefty w Cieszynie sóm po wyrchu pieknie opucowane, a w postrzodku majóm towor wszelijaki.

Mini słownik:

  • kszeft - sklep, "interes"
  • miano - nazwa, imię
  • czepań - głowa
  • spadki - z powrotem
  • krzyżowatka - skrzyżowanie
  • fórt - ciągle
  • uwidzieć - zobaczyć
  • naźdzyiwać - naciągnąć
  • kustować - jeść posiłek
  • Tóż mjyjcie się wszedcy dobrze i wesołego popióntku!

    felieton pt.:”SPOŁEM I DOPIERO WSTOŁEM”

    Komentarze: (2)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Zrób z tym cosik, dostołech oczopląsu łod tych hroznych liter.

    Poprawione :)

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama