, środa 19 czerwca 2024
CO TYDZIYŃ PO NASZYMU : Przedowani chałup uż dzisio nie idzie tak snadno jako kiejsi
”...wlyź w te ulice Tómanka...” fot: FJD



Dodaj do Facebook

CO TYDZIYŃ PO NASZYMU : Przedowani chałup uż dzisio nie idzie tak snadno jako kiejsi

F.J DRAL
CO TYDZIYŃ PO NASZYMU : Przedowani chałup uż dzisio nie idzie tak snadno jako kiejsi

”...pomiyndzy nimi przirażóno je przewiónzka...” fot.FJD


CO TYDZIYŃ PO NASZYMU : Przedowani chałup uż dzisio nie idzie tak snadno jako kiejsi

”...zielóny poszkryfany kiosek..." fot. FJD

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.


POSZKRYFANY KIOSEK

Dzisio na dobre muszymy zaś wlyź w te ulice Tómanka, kiero kiejsi mianowała sie 22 lipca, ale kómusi to zawadzało i jóm musieli przechrzcić. Mało gdo isto wiy,kiery to był tyn Tomanek i co szpecjalnego dlo naszego miasta zrobił, tóż też tymu dobre by było wyłoślić to ludzióm na tej ulicowej tabulce. Tak my sóm wszedcy zadziwani na tyn zachód a u nich, jak kiery tam był to wiy, że na ulicowych tabulkach to tam pisze. I dobrze by też było tak u nas zrobić,coby ludzie sie mógli asić jakigo to zasłóżónego patróna majóm na swoji ulicy. Dalij po lewo i po prawo stojóm dwupiyntrowe chałupy, kiere porem roków tymu doczkały sie nowego pucu, a pomiyndzy nimi przirażóno je przewiónzka, kiero patrzi sie dzisio jakimusi NZOZ-owi. Ty wielki litery prawióm nóm ło tym, że je to jakisikej niepubliczny kszeft, kiery wylyczy nas yno za pinióndze. Nie wiym skyrs czego sie na to prawi niepubliczny jak wszedcy my sóm publicznościóm, a ci niepubliczni to je gdo? Kónsek dalij zaś je skrynt genau na kierym stoji zielóny poszkryfany kiosek, a za nim ze zadku widać szkołe podstawowóm nr 3 im. J.Korczaka. Coby iś dalij muszymy minyć zaś drugi skrynt i znóndymy sie na ulicy Hallera s kierej uż tak wartko nie slezymy, bo jedyn kilemeter je eszcze przed nami. Na prociw jakisikej dwie paniczki majóm dóma kszeft, kiery pumoże nóm wyrachować pinióndze, co my sóm dłóżni państwu. Zaś ganc wedla na takim bardzo niedziwnym płocie, kierysi sie domogo przedanio chałupy, kiero stoji tam w postrzodku. Tak na łoko to wiela ducha uż w ni nima i cosi musi być w ni felernrgo w, bo ty dwa chwolidła, kiere tam wiszóm nie poradzóm ji pumóc.

Mini słownik:

  • snadno - łatwo,
  • wlyź - wejść,
  • kiejsi - kiedyś
  • mianowała - nazywała,
  • zadziwani - zapatrzeni,
  • asić - chwalić,
  • prawić - mówić,
  • skyrs - czemu,
  • skrynt - zakręt,
  • geneu - całkiem,
  • poszkryfany - popisany
  • slyź - zejść,
  • kszeft - interes,
  • wedla - obok,
  • niedziwny - byle jaki,
  • felerny - wadliwy,
  • chwolidło - reklama.
  • Miyjcie sie wszedcy dobrze i wiesiołego popióntku!

    Dzisiejszy tekst ma tytuł "Poszkryfany kiosek".

    Komentarze: (0)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama