CO TYDZIYŃ PO NASZYMU: Hajduk to je wojok czy rojber? A możne, że oba do kupy “...kierysi reklamuje jakisi 'Atlas'...". fot. FJD  “...chycili sie do wytargowanio tej starej sztreki...”. fot. FJD  “...autobusy,bagry a kapke dalij aji cugi ...”. fot. FJD  Dzisio Wóm zaś poczytóm po naszymu opowiadanie "Opaterne spani" Henryka Jasiczka, z książki "Humoreski Beskidzkie". fot. FJD Redakcja portalu www.gazetacodzienna.pl nawiąże współpracę z miłośnikami naszej pięknej, cieszyńskiej gwary, którzy podjęliby się współtworzenia "Kącika gwarowego" poprzez pisanie gwarą krótkich opowiadań o swoich miejscowościach. Mogą one przybrać formę wspomnień lub aktualnych spostrzeżeń na temat swojej "małej ojczyzny". Przesłane opowiadania mogą zapoczątkować cykle: "Szpacyrek po..." Skoczowie, Strumieniu, Goleszowie lub innej cieszyńskiej miejscowości. Chętnych prosimy o kontakt telefoniczny lub mailowy. Tel. 602-571-636 lub redakcja@gazetacodzienna.pl cd. słownika: baraba - awanturnik, łazik barabczyk - włóczęga być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Dzisio bydymy dalij sie plyntać po tej ulicy Hajduka, na kierej łostatnio mogymy uwidzieć przerozmaite dziwy. Możne, że kierysi przyszeł na to coby przeca zrobić użytek s tego miana hajduk i wyłoślić wszeckim co to je. Kiejsi downij madziarzi hajdukami mianowali wojoków abo rozmajtych rojberów i nie wiym czymu akurat to sie przilepiło do tej ulice. Możne tymu, że kiejsi wojocy wlazowali tam do cugu a dzisio to miano bardziyj by pasowało tym ludzióm co obiyrajóm s pinyndzy wszeckich ludzi co kansi chcóm dojechać. Je tam teraz taki miszmasz, że nie idzie prziś na to do czego wsiednóć. Je tam istny cyrkus ze wszeckim co tam je do przewożanio ludzi. Stojóm tam taksiorze, busy, autobusy, bagry a kapke dalij aji na sztrece cugi. Niekierzi też majóm możność coby kupić se tam koło i na nim bez bileta i pedajlować kaj yno majóm chynć. Doczkómy sie isto za jakisi czas aji drezyny kieróm lufciorze bydóm se mógli jako atrakcyje pojczać i jechać ku Wiśle po tej starej sztrece, kiero sie eszcze obstoła. Możne, że jak pojadóm to bydóm mógli sie dziwać na nasze gory, kierych uż s cesty nie widać skyrs tego dziwokigo s łobu strón oplechowanio. Nie wjym czy sie wóm to jednakowóż podarzi bo łojcowie miasta chycili sie do wytargowanio tej starej sztreki, a drezyna po ceście przeca nie pojedzie. Żeby mi ganc uż serce nie pukło to przestołech sie na tyn cyrkus dziwać, bo kapke dalij na tym ogrodzónym banhofie cieszy łoko zygor, kiery nie uwierzicie ukazuje eszcze dobry czas. Zaś s drugi stróny widać koskatóm chałupe na kierej kierysi reklamuje jakisi "Atlas" a s za winkla wyzyzyje zaś tyn sóm pieknie obleczóny wachtorz.Stracłiy sie też kansi taki dwie miynsze budki w kierych ludziska mógli se kiejsi cosi wciepać na ruszta i przedzierżeć czas na czakani do cugu. A teraz zaś fajny wic: - Jewka podziwej sie jakigo mómy gupigo chłapca - prawi chłop do swoji paniczki. A Jewka: - Przeca mosz nareszcie dowód, że to je twój chłapiec i przestaniesz mie posóndzać. Mjyjcie sie wszedcy dobrze i wiesiolego popióntku. Dzisio Wóm zaś poczytóm po naszymu opowiadanie "Opaterne spani" Henryka Jasiczka, z książki "Humoreski Beskidzkie".
|
reklama
|
|||||||||||||||
|
Tak, ludkowie, mómy to tu, budynek dworca PKP je nasz. Nó, ale co dali? Jo widzym teraz taki dalsze możności: Po piyrzsze - miasto s wielkóm radościóm wybuli potrzebnych siedymset tysiyncy na łodbudowe dworca i bedzie sie pytać, czy to zicher starczy a czy nie trzeba przidać jeszcze wiyncyj. To by było piekne, ale prziznejmy ludkowie, w bajki już mało kiery z nas wierzi. Po drugi, miasto po dogłymbnej analizie przidzie na to, że s tym banhofym to eszcze ni ma taki złe a że eszcze kapke postoji, niż spadnie. Tóż nie bedzie robić nic a aji w naszej Gazecie sie ło nim przestanie pisać. Po trzeci, miasto aż teraz przidzie na to, kiela go ta sradna s banhofym na własność bedzie stoć a kiela by go to eszcze stoło, jak by jakosi cegła drzisła Bogu ducha winnego lufciorza po czepani (lufciorza, bo żodyn normalny tustelok abo aji naturalizowany werbus sie pod dworcowóm ścianóm bez przimusu nie postawi). Skyrz tego miasto hned a zaroz wróci banhof kolejóm państwowym, ewentulanie im eszcze przipłaci, niech se jyny bieróm to pieróństwo spatki. Po sztworte – miasto szpecyjalnym dekretym ogłosi, że bahnhof ni ma zabytek, parcele razym s banhofym strzeli na wygodnych warunkach kamratowi deweloperowi, ruine rozebieróm, glajzy też a parcele wyużyjóm na włośne potrzeby. Możne, ludkowie, że widzicie jeszcze insze możności wyużycio tego naszego tak nóm wszystkim drogigo zabytku. Napiszecie, jaki możności ?
budynek zabytkowego dworca PKP niszczeje -wprawdzie już ogrodzony lecz kiedy wezmą się za jego renowację?
Dodaj komentarz