, piątek 1 lipca 2022
CO TYDZIYŃ PO NASZYMU: Glajza we trotuarze to moc zaimawo wiec
Tukej uż roz była rzecz ło tej glajzie, kiero wrażóno je do tej tej pieknej kostki na Głymboki i zdało mi sie, że uż po drugi nie trzeja bydzie ło ni nic wiyncyj pisać.  fot: FJD



Dodaj do Facebook

CO TYDZIYŃ PO NASZYMU: Glajza we trotuarze to moc zaimawo wiec

FJD
CO TYDZIYŃ PO NASZYMU: Glajza we trotuarze to moc zaimawo wiec

”...rdzowki uż je na ni pełno...". fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Udrze pyskym

Tukej uż roz była rzecz ło tej glajzie, kiero wrażóno je do tej tej pieknej kostki na Głymboki i zdało mi sie, że uż po drugi nie trzeja bydzie ło ni nic wiyncyj pisać. Ale tak yno mi sie zdało, bo dzisio jak gdo sie na nie podziwo, to fórt nie wiy na co i po co jóm tam kierysi wraził. Mało, że nie bardzo jóm widać, bo eszcze nie podarziło sie ji dobrze zar-zowieć, chocioż jak sie tak człowiek dobrze na nie przizdrzi to tej rdzowki uż je na ni wszyndzi pełno. Ale wszecko je przeca eszcze przed nami, bo po zimie jak cesty posute zutanóm solóm, to ta rdzowka na wiosne dziepro naprowde dostanie pieknej brónatnej farby. Chocioż dlo lufcorzi i letnikorzi, kierzi nas nawszczywióm, lepszyj by było na tej glajzie cosi napisać, abo wielkimi literami jakómsi informacyje wygrawerować. Rozchodzi sie ło to, że trzeja by było wszeckim wyklarować, skyrs czymu łóna tam zustała w tym miejscu akurat do ziymi wkopano. Moc ludzi je też takich, kierzi se szpekulyrujóm, że ta glajza to je taki małe korytko, kiere jak padze deszcz, bydzie wodem warciyj gnało ku Olzie. S tóm glajzóm je eszcze inszo wiec, bo je łóna ganc fajnie pasowno na koła łod rowerów i jak kiery do ni wjedzie, to mo pewne, że udrze pyskym ło trotuar, abo ło te czyrwiónóm kostkem. Ostudem s tóm glajzóm majóm też paniczki, kiere majóm małe dziecka i muszóm po Głymboki jeździć s wózkami. Tak czy inakszyj żodyn fórt nie wiy na kigo grzycha tela zielaza zustalo wrażóne do tej cesty i dłógo isto sie tego nie do wiy!

Mini słownik gwary cieszyńskiej:

tukej - tutaj, glajza - szyna, wrażóno - włożona, n a nie podziwo - na nią popatrzy, wraził - włożył, nie podarziło sie - nie udało się, na nie przizdrzi - na nią popatrzy cesty - drogi, brónatnej farby - brązowego koloru, lufciorze i letnikorze - turyści i wczasowicze, nas nawszczywióm - nas odwiedzą, skyrs - z powodu, se szpekulyrujóm - sobie kombinują, warciyj - szybciej, wiec - rzecz, ganc - całkiem, udrze pyskym - uderzy twarzą, ostuda - kłopot, fórt - ciągle.

Tóż miyjcie sie wszedcy dobrze i wiesiołego popióntku!

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama