CO TYDZIYŃ PO NASZYMU: Fórt mogymy szpacyrować po suchu"Ale jak głowe zwyrtnymy do prawa to uwidzymy taki wielki papindekiel (baner)...". fot. FJD Dzisio Wóm zaś poczytóm po naszymu opowiadanie "Wielko zabijaczka", Adama Wawrosza z książki "Z naszej nolepy". fot. Maciej Kłek być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" A uż sie zdowało, że sie tyn tydziyń bydymy kutali we śniegu a tu mosz babo placek. Wszecko stajało i se jyno mogymy kielznóć w hali na Małej Łónce. Nie wiym jako to dalij bydzie bo może wartko łobili poschodzić i żniwa bedymy mieć w czerwcu. W grudniu skóńczyli my szpacyrować przi Placu Wolności i teraz muszymy przelyś na drugóm stróne. Ale jak głowe zwyrtynymy do prawa to uwidzymy taki wielki papindekiel (baner) na kierym je napisane kaj mogymy posłać nasze małe dziecka. Z tego co tam stoi napisane mogymy sie wywiedzieć, że jak nasze dziecka skóńczóm te szkółke to zaroz ich weznóm do "tańca z gwiazdami" abo do tłumaczynio z czeskigo na nasze. Z tym zapisowanim trzeja sie jednakowóż pośpiychnóć bo w lutym uż nie bydóm zapisować i mogymy zostać wedla. Jak przelezymy na drugóm stróne to stanymy pod ścianóm na kierej uż przeszło trzicet roków tymu namalowali wielkimi literami CELMA co kiejsi było chlubóm naszego miasta. Jak sie człowiek na to podziwo to zaś go cosi za serce ścisko i chciołby mieć pod rynkóm tego co to kozoł pozawiyrać. Wiela teraz ludzi by tam miało robote a tak to jyno resztki tam zustały ale słyszołech, że eszcze jakisi motory tam robióm. A jo im życzym, aby tak rozegnali tóm produkcje i zaś przijmowali ludzi do roboty jako to bywało hańdownij. A teraz zać fajny wic: Francek sie dowiedzioł, że Antek leży we szpitolu ze złómanóm nogóm. Jako dobry kamrat poszeł sie na niego podziwać. - Jo nie wiedzioł, że umjysz jeździć na skijach? Nó tak mniyj wiyncyj. Wiyncyj na dupie a mjynij na skijach. Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "Wielko zabijaczka", Adama Wawrosza z książki "Z naszej nolepy".
|
reklama
|
Witojcie prowde prawicie śniega nima ,ale bydzie w maju jak to prawiom naszo ziymia jakosi zmienio to wszystko a prawiom ,ze to istotnie przez nas grzeszników. Celma to kiesi była wielko fabryka ,kiesi sie nazywała M-2, wiycie jo też sie uczył w Celmie bo jak to prawili kiesi tata z mamom w Celmie to synek tez musi w Celmie sie uczyć. Tak żech sie wysztudyrowoł w dziale narzyndziowni ale coz jak mnie to nie bawiło naciąngać te setki,dziesiątki ,borować ,gwintować, jak żech poszoł do wojska toch ino przyszoł na pół roku. Ciongło mie do roguli w wojsku żech zrobił II dzisio to je kat.C i jeżdźym uż zawodowo 42 roki w tym roku trzeja sie bydzie brać na pyndzyj bo uż tego dość. M-@ albo Celma to był łogromny zakład , a dzisio kiery rzeknie ile tam ludzi robi??
Sawa może się zarejestrujesz? Wtedy Twoje komentarze będą się pojawiały na stronie od razu jak je tu wpiszesz, bez czekania na akceptację przez administratora. Szczegółowy opis jak się zarejestrować znajdziesz w jednym z poprzednich odcinków Kącika Gwarowego: http://gazetacodzienna.pl/artykul/kultura/co-tydziyn-po-naszymu-a-z-nieb...
Dodaj komentarz