CO TYDZIYŃ PO NASZYMU: I to uż łostatni roz tego roku "... a tyn u Czechów je jakisi hrubszy ale przez dziyń je zgaszóny". fot. FJD  Dzisio Wóm zaś poczytóm po naszymu opowiadanie "Hołdamasz", Adama Wawrosza z książki "Z naszej nolepy". fot. Maciej Kłek być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Jak żech tyn tydziyń szpacyrowoł po naszym mieście toch sie przizdrził dwóm świóntecznym strómkóm po obu strónach Olzy i muszym Wóm powiedzieć, że sóm łóne jednako zielóne ale ganc inakszyj wyglóndajóm. I tak se myślym, że nima to tak leko wybrać w lesie piekny strómek a po tym eszcze go porzóndnie ustroić. Tyn po polski strónie je jakisi mizerniejszy ale za to pieknij ustrojóny i świyci sie aji za dnia a tyn u Czechów je jakisi hrubszy ale przez dziyń je zgaszóny. Widzym, że Czesi fórt strasznie szetszóm i sóm bardziyj szporobliwi niż my. Ale uż sie nie bydym nad tym rozwodzoł bo w tym tydniu kóńczy sie tyn stary rok i chcym Wóm powinszować tak pieknie po naszymu jako to kiejsi nasi starzikowie i starki se życzyli. A prawili tak: "Winszujym Wóm szczynścio zdrowio na tyn Nowy Rok. Niech Bóg mo Was w swej opiece, szczynścio zdrowio Wóm prziniesie, prace Waszóm błogosławi i plónami Was obdarzi, dziatki Wasze niechej rosnóm na cześć i na chwałę Boską. Miłość niech wśród Was panuje i niech każdy sie raduje. Tylko jedno pamjyntejcie: na Boga nie zapominejcie, bo gdo sie na Boga spuści tego Pan Bóg nie opuści". Dziśka uż ludzie nie sóm tacy bogobojni jako kiedysi i życzóm se ganc czego inszego ale dobrze je też wiedzieć jako to hań downi bywało. A teraz zać fajny wic: - Jozef widzisz tego naszego sómsioda jako pieknie szpacyruje? Jo żech go postawił na nogi. - Nie wiedziołech,że z ciebie je taki dobry dochtór! - Ale kasz tam to je ganc na łopak. Zanim zaczył u mie we sklepie brać na borg a u drugich pojczować pinióndze to jeździł pieknym mercym. A teraz chodzi pieszki. Miyjcie sie wszedcy dobrze a w tym Nowym 2012 roku życzym Wóm tego co je nejlepsze, nejpiekniejsze i nejfajniejsze nó i zdrowiczka. Dzisio Wóm zaś poczytóm po naszymu opowiadanie "Hołdamasz", Adama Wawrosza z książki "Z naszej nolepy".
|
reklama
|
|||||||||||||||
|
Wiela szczynścio, zdrowio, samych miłych chwil, niech dni uciekajóm pumali a starości uciekajóm pryndzyj, niech radości nie łodchodzóm, niech je kole nas wiela dobrych ludzi a mało tych drugich. Niech je stale wiyncyj tych, co sie spómnóm, że umióm po naszymu a potym na tom naszóm strónke po naszymu napiszóm.
Tego życzym w Nowym Roku naszymu Gospodarzowi, panowi Dralowi, wszystkim bywalcóm Kóncika Gwarowego a aji tym, co jyjny na chwile zozdrzóm a hned zaś uciekajóm dali.
Szczynść Boże!
Dodaj komentarz