, niedziela 2 października 2022
CO TYDZIYŃ PO NASZYMU: Dzisio rajza po mieście żółtym autobusym, to je opowoga
Nie wiym skyrs czymu rotuzowi szybrzikukujóm zaś w rozkładzie jazdy żółtych autobusów, a przeca nie przybyło w Cieszynie żodnych nowych wielkich chałup, a tusteloków fórt ubywo. fot: FJD



Dodaj do Facebook

CO TYDZIYŃ PO NASZYMU: Dzisio rajza po mieście żółtym autobusym, to je opowoga

CO TYDZIYŃ PO NASZYMU: Dzisio rajza po mieście żółtym autobusym, to je opowoga

”...ty autobusy wyglądają jak małe chroboki...”. fot. FJD


CO TYDZIYŃ PO NASZYMU: Dzisio rajza po mieście żółtym autobusym, to je opowoga

”...jako sie mijanuje tyn przistanek...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Drepszóm po ceście

Nie wiym skyrs czymu rotuzowi szybrzikukujóm zaś w rozkładzie jazdy żółtych autobusów, a przeca nie przybyło w Cieszynie żodnych nowych wielkich chałup, a tusteloków fórt ubywo. Ci macherzi, kierzi regirujóm tymi autobusami, strasznie pieknie wszeckich informujóm, ale nie przeproszajóm i żodnymu nie wyłoślajóm, gdo i skyrs czymu na to prziszeł. Na iste skyrs tego trzeja bydzie przesztelować ty małe telewizory, kiere sóm w każdym autobusie, bo ta informacyja, co sie tam dzisio ukazuje nie bydzie delij pasować do tej nowej cesty, kiero zustała zwekslowano. S tym na zicher nie bydzie moc łostudy, bo i tak na tych ekranach mało je co widać. Roz widać mape Cieszyna s cestami po kierych ty autobusy gzują, a za chwiliczkem idzie uwidzieć jako sie mianuje tyn przistanek na kierym podarziło sie nóm stanóć. Na tej ekranowej mapie, ty autobusy wyglóndajóm jak taki małe chroboki, kiere drepszóm po ceście. Nie wiym czy kómu to je przidajne, bo coby na ni cosi uwidzieć, to trzeja stoć meter przed przed nióm i eszcze mieć na łoczach bryle. Tak samo je ze słyszynim tego, co prawi do nas tyn mały telewizor, bo abo ty głośniki mo jakisi dychawiczne, abo zaś tak autobusym dyrbie, że nie idzie ani ze sebóm słowa przerzóndzić. Nejlepszyj jednakowóż idzie spozdrzić te insztrukcyje, kiero wyłoślo wszeckim, że trzeja na gymbe oblyc maskem, ale uż nie pisze, że trzeja nióm też zatkać nos. Skyrs tego niekierzi se isto myśłóm, że te maske trzeja yno mieć na gybie, bo nos w pandemiji ku ni uż nie patrzi. Tak czy inakszyj cało ta wiec do ukazowanio ludzióm kaj jadóm, ni ma tustelokóm za moc przidajno, bo wszedcy i tak dycki wiedzóm kiedy i kaj majóm z autobusa wylyź.

Mini słownik gwary cieszyńskiej:

skyrs - z powodu, szybrzikujóm - gmerają, fórt - stale, macherzi - fachowcy, regirujóm - kierują, wyłoślajóm - tłumaczą, na to przyszeł - na to wpadł, przesztelować - przeprogramować, cesta - droga, zwekslowano - zamieniona, na zicher - na pewno, łostuda - kłopot, dychawiczne - mizerne, dyrbie - trzęsie, gzują - pędzą, sie mianuje - nazywa się, podarziło się - udało się, chroboki - robaki, drepszóm - drepczą, przidajne - potrzebne, bryle - okulary, oblyc - ubrać, ku ni uż nie patrzi - do niej już nie należy, wiec - rzecz, kaj - gdzie, dycki - zawsze, wylyź - wysiąść.

Tóż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama