, niedziela 3 lipca 2022
CO TYDZIYŃ PO NASZYMU: Bojki wykłodać, to isto każdy poradzi
Kierysi by powiedzioł że to ni ma możne, coby nasze dziecka nie dzierżały w rynkach telefónów i posłóchały kogosi, kiery łopowiado im rozmajte bojki. Jako sie to podarziło jednej paniczce, ło kierej dzisio bydzie rzecz, tego naprowde nie wiym, ale widać s tego, że jak kiery czegosi fest chce, to mu sie to dycki podarzi.  fot: FJD



Dodaj do Facebook

CO TYDZIYŃ PO NASZYMU: Bojki wykłodać, to isto każdy poradzi

FJD
CO TYDZIYŃ PO NASZYMU: Bojki wykłodać, to isto każdy poradzi

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Wiyncyj spolegliwe

Kierysi by powiedzioł że to ni ma możne, coby nasze dziecka nie dzierżały w rynkach telefónów i posłóchały kogosi, kiery łopowiado im rozmajte bojki. Jako sie to podarziło jednej paniczce, ło kierej dzisio bydzie rzecz, tego naprowde nie wiym, ale widać s tego, że jak kiery czegosi fest chce, to mu sie to dycki podarzi. Przedstowcie se, że ta paniczka poradziła do jednej cieszyński kawiarni napytać tela dziecek, że chybiło palacu dlo inszych. Kierysi sie isto spyto, skyrs czymu ło tym piszym, bo przeca to ni ma w tym nic zaimawego. To byście sie jednak oszydzili, bo dziecka nie wydychały i posłóchały jóm z odewrzitymi gymbami. A wykłodała im taki wieca, kiere isto piyrszy roz w życiu słyszały, bo łopowiadani bojek uż downo wyszło s mody. Prziszeł dzisio taki czas, że aji małe dziecka poradzóm roz dwa w kómputrze sie wywiedzieć, czy gdosi mówi prowdem czy cygani. Bo czy to je dzisio możne, coby ukraś listonoszowi torbem s listami ?, jak aji małe dziecka wiedzóm, że listy posyło sie mailem, a łón przeca ni ma s papióru. Taki rozmajte zaimawe wieca ta paniczka porem godzin w tej kawiarni tym dzieckóm opowiadała i rzekła im też, że dobre było najóńć jakómsi kocióm szajkem do chycyno tego złodzieja, kiery ukrod ty listy. Chcioż do chytanio takich barabów i złodzieji mómy przeca w mieśce policmajstrów i miastowych wachtyrzi, a ta paniczka tym dzieckóm prawiła, że kocury sóm wiyncyj spolegliwe. S każdóm bojkóm je tak, że jak sie jóm łopowiado, a przi tym człowiek ani na chwiliczkem sie nie zajyknie, to każdy uwierzy we wszecki niestwrzóne wieca.

Mini słownik gwary cieszyńskiej:

kierysi - ktoś, dzierżały - trzymały, sie to podarziło - udało się, bydzie dzisio rzecz - będzie dzisiaj temat, fest - mocno, dycki - zawsze, podarzi - uda się, poradziła - potrafiła, napytać - zaprosić, skyrs - z powodu, zaimawe - interesujące, oszydzili - oszukali, odewrzitymi - otwartymi, wykłodała - opowiadała, wieca - rzeczy, poradzóm - potrafią, rzekła - powiedziała, miastowy wachtyrz - strażnik miejski, spolegliwy - godny zaufania.

Tóż miyjcie sie wszedcy dobrze i wiesiołego popióntku!

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama