, wtorek 26 marca 2019
CO TYDZIYŃ PO NASZYMU: Czakóm, kiedy ty auciska zaszprajcujóm Cieszyn
Felieton pt.” Papiórzeny zygor” fot: FJD



Dodaj do Facebook

CO TYDZIYŃ PO NASZYMU: Czakóm, kiedy ty auciska zaszprajcujóm Cieszyn

FJD
CO TYDZIYŃ PO NASZYMU: Czakóm, kiedy ty auciska zaszprajcujóm Cieszyn

”...jak patnos minut...”

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Papiórzany zygor

Fórt s tymi auciskami w Cieszynie nie idymy do przóndku, bo żodyn kiery by to móg zarzóndzić, nic sie kolem tego ni mo. Telkowne razy uż była rzecz ło tym, coby wszecki auta przegnać s miasta i kansi indzij dlo nich nónś plac. Dobre by było zawrzić uż tyn torg, na kierym kiejsi Czesi udowali swoji korónki, bo dzisio uż yno porę bud tam kszefci. Przeca wlazło by tam możne aji s pół tysiónca aut i w mieście szłoby czystym luftym wydychać. Aji przeca wszecki rozmajte urzyndniki s rotuza, powiatu i inkszych biur mógliby sie dziynnie przeszpacyrować tam a haf do roboty i byliby na ziher chocioż kapke zdrowsi. A tak, każdy chce dojechać ganc pod swoji biuro, a jakby szło to aji do postrzodka. Ludzie uż majóm tela tych aut, że se ś nimi nie wiedzóm w dupie wrotu. Jak by tak szło to jedyn by aji jechoł dwóma autami na roz, bo dzisio isto uż by sie to podarziło skyrs tego, że jedny auta majóm wolant po lewo, a drugi ty skludzóne s Anglije po prawo. Nejsrandowniejsze sóm jednakowóż znaki na nikierych ulicach na kierych pisze, że nie idzie stoć delij jak patnos minut. Jako se to gdo myśli kóntrolować ty auta jak fórt brakuje tych wachtyrzy we Straży Miejski, a bez zygora za szybóm, kiery ukazuje wiela czasu taki aucisko na ceście stoji, to sie przeca nie do. Jo uż dwa razy prawił burmistrzowi, coby kozać wszeckim, kierzi chcóm na ceście stoć tych patnos mitut, coby nasztelowali taki papiorzany zygor za szybóm swojigo auta. Ale mocie rozum pore roków minyło, aut przibyło, kiere uż teraz stojóm wszyndzi, kaj sie yno do. Na kóniec muszym eszcze przydać, żech kupił taki papiórzany zygor w Czechach i był to mój darek dlo burmistrza.

Mini słownik: fórt- ciągle, żodyn-nikt, była rzecz-był temat, kansi-gdzieś, zawrzić-zamknąć, kszefci-handluje, kapke-trochę, postrzodek-środek, w dupie wrotu-rozwiazać problem, wolant-kierownica, skludzóne-sprowadzone, wachtyrz –strażnik, cesta-droga, prawił-mówił, nasztelować-ustawić, papiórzany-papierowy, kaj-gdzie,

Tóż miyjcie sie wszedcy dobrze i wiesiołego popióntku

Komentarze: (3)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

tomlem - masz całkowita rację, super, że ktoś pisze w naszej gwarze, ale szkoda, że ino furt bulczy i narzyko. Przydałbym się dla odmiany POZYTYWNY felieton w naszej gwarze!

Wystawić tym wszyckim urzyndasom nowy rotuz kajś na Pastwiskach abo w Krosnej i do tego plac na dziesięć tysiyncy i aut i bydzie.

Fajnie sie słucho tej naszej godki , ale czasym bulczynio ni idzie zdzierżeć, zwłaszcza o tym papiyrzanym cyferblacie i starosci o zdrowi urzendników z magistratu, jakby tyn magistrat tylko do nich należoł i im mioł służyć.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama