, niedziela 18 listopada 2018
CO TYDZIYŃ PO NASZYMU: Dzisio płacymy aji za puszczani przez kumin rozmajtych smrodów
Do nich sturko fot: FJD



Dodaj do Facebook

CO TYDZIYŃ PO NASZYMU: Dzisio płacymy aji za puszczani przez kumin rozmajtych smrodów

FJD
CO TYDZIYŃ PO NASZYMU: Dzisio płacymy aji za puszczani przez kumin rozmajtych smrodów

”...dostali parazol łod słóńca...”

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Do nich sturko

Dzisio eszcze bydzie kapke ło tym stociu na parkingach przed tymi nejwiynkszymi kszeftami w naszym mieście, skyrs tego, bo na tych jejich tabulkach nie pisze kaj trzeja za to płacić. Kiery jednakowóż bydzie mioł chyńć se tam stanóć, to nie musi umieć czytać, bo zaroz przi wjechaniu zustanie mu wstyrczóno kartka wiela mo płacić. Isto to je tyn komfort ło kierym je rzecz na tej tabuli, bo eszcze bydzie mioł te wygodem i nie bydzie musioł wylazować s auta. To je jakosi wielko parkingowo nowinka, bo kaj indzij kszefty stawiajóm rampy, kiere sie dźwigajóm jak klient zapłaci. Łóni jednakowóż dali robotem aże dwóm chłopóm, bo jedyn te kartke dowo, a drugi jóm przi wyjyżdżanu odbiyro i łobo majóm pełne rynce roboty. Przi drugim kszefcie, kiery je zaroz wedla, kierysi zainsztalowoł dźwigace rampy, ale łóne fórt sóm dźwignióne do góry, isto skyrs tego coby klienci mieli eszcze wiynkszóm wygodem i wubec uż nic nie płacili. Nie wiym kiery mioł taki napad, coby zainsztalować ty rampy, a nieskorzij kozoł ich fórt dzierżeć odewrzite do góry, coby możne wiyncyj luftu łomiatało ty auta kiere tam stojóm. Nikierzi w Cieszynie prawióm, że ty rampy sóm skyrs tego odewrzite, bo moc tusteloków cosi mo s łoczami i fórt do nich sturko, a sprawowani kosztuje moc piniyndzy i lepszyj ich nie zawiyrać. I teraz uż wiym skyrs czymu tyn kszeft s wercojgym napytoł se dwóch chłopów do wachowanio jejich placu. Majóm to przeca łacniejsze, a chłopi majóm czystóm i lekuśkóm robote. Widać, że aji dostali parazol łod słóńca coby sie im glace fest nie zagrzoły i teraz pod nim stojóm.

Mini słownik:
kapke-trochę,
kszeft-sklep,
skyrs-z powodu,
kaj-gdzie,
wstyrczóno-wetknięta,
isto-zapewne,
je rzecz-jest mowa,
rampa-szlaban,
dźwigać-podnosić,
wedla-obok,
kierysi-ktoś,
dźwigace-podnoszone,
fórt-wciąż,
nieskorzij-później,
odewrzite-otwarte,
sturko-trąca,
zawiyrać-zamykać,
wercojg-narzędzia,
wachować-pilnować,
łacniejsze- tańsze,
glaca- łysina,
aji-nawet

Tóż miyjcie sie wszedcy dobrze i wiesiołego popióntku

Komentarze: (2)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Ty rampy sie nie dżwigajóm jak gdo zaplaci, bo przeca fórt sóm dźwignióne i żodyn tu przeca nie cygani. Zóndź tam i przizdrzij sie tymu, a nieskorzij dziepro cosi krytykuj.

Przestońn tu ludzi cyganić, że sie dżwigajom jak gdo zapłaci, jyno wcisko sie taki kneflik i wyskakuje z tej dziurki wedla taki papiórek i musisz go wachować w tym kszefcie żeby go kaj nie przpatnościć, a jak jedziesz spadki zaś musisz go wrazić do dziurki kiero go porwie i puści auto. Sranda je jak bydziesz stół za dłógo. bo papiórek porwie i nie dzwignie sie i musi wylyżć z auta i zapłacić sztrof w szranku co stoi pod murym kaj sie do kszeftu wlazuje. W tym drugim z werkcojgym możesz sie szwyndać aż dwie godziny z darma. potym tez zapłacisz sztrof, jyny tymu co wypuszczo bez żodnej łostudy i wylazowanio, jyny ci troszke kapsom szkubnie Wszystko to tam je wyłoślóne na takulkach kiere tam som. Tyn inszy szlaban kole starostwa poznowo swoich i ich puszczo bez pytanio jyn sie dźwigo i zarozki za nim spaduje by też tam żodyn nie stanół co chce cosik tam załatwić, musi zapłacić w tych rotuzowych, abo se stanonć na kszeftowym, jak je otwarte to pół biydy a jak puszczo z papiórkym to zaś gibko musisz se wachować żeby gibko załatwiać interesy to Cie wypuści bez płacynio, a kożdy grosz sie liczy.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama