CO TYDZIYŃ PO NASZYMU: Strómy i chrosty piekne sóm dycki w lesie ”...nasza wieża piastowsko...” być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Nie do sie szpacyrować po naszym mieście, coby za każym razym cosi zaimaego nie spozdrzić. Dejmy na to, tyn nowo zrychtowany banhof je fakt piekny, ale tabulek przi tych sztrekach je wiyncyj niż cugów kierych po nich jeździ. Jakisi srandziorz zawiesił aji tabulke na kierej pisze kierunek Goleszów. Co tymu srandziorzowi pizło do czepani tego nie wiym, bo przeca uż kolem dwacet roków sztreka po kierej tam cugi jeździły je zawrzito. Kiejsi to żodnymu nie zawadzało, coby do roboty jeździć cugym, a dzisio każdy musi mieć auto i jakby móg, to by wjechoł ś nim aji do izby. Znóm takich co aji porem metrów jadóm autym po cygaretle, bo uż tak sfajnieli, że zapómnieli na co majóm klepeta. Przeca w takim małym mieście nie godzi sie, coby po nim gzuć dziynnie autym, bo do wszeckich insztytucyji idzie przeca dónś pieszki. Sie mi zdo, że uż niewiela mómy czasu jak nie bydymy poradzić dónś do swoji chałupy i trzeja bydzie furkać w lufcie. Inszóm wiecóm je nasza wieża piastwsko, kiero mo być atrakcyjóm naszego miasta, a widać jóm yno na mapie, bo je zarośnióno rozmajtymi wielkimi strómami. Coby jóm ganz fajnie obezdrzić ze wszeckich strón to trzeja bydzie lufciorzóm rzeknóć, coby raczyj do nas przijyżdżali na jesiyń, abo w zimie, jak wiater ze wszeckich stromów zduchnie łostatni listki. Kiedy przidzie taki czas dlo naszego miasta, coby to co mómy nejpiekniejsze było widać s daleka-kiedy ? Sie mi zdo, że dzisio je wiyncyj takich co majóm radzi rozmajte chrosty i strómy, kiere dlo letnikorzi nie sóm żodnóm atrakcyjóm, bo łóni majóm pełno też tego u siebie dóma. Mini słownik: Tóż miyjcie sie wszedcy dobrze i wiesiołego popióntku
|
reklama
|
|||||||||||||||
|
Tak piszesz,że sztreka je zawrzito,ale jyno lo cugów. To ni ma sranda jyno przydajno wiec tako tabula z kierunkym Goleszów, bo nóz tak kto przijedzie z Republiki to zezdzi na nia i bydzie widzioł kaj iś dali szłapcugym tom sztreką równo po szwelach do tego Goleszowa,a z Goleszowa już dali może jechać w szyroki świat abo iś dali pieszkym cestą. Znom takich co radzi chodzą po roztomaitych drapach, to już bydą mieli blisko.
Dodaj komentarz