, poniedziałek 24 lipca 2017
CO TYDZIYŃ PO NASZYMU: Coby szmatłać sie po gorach trzeja mieć pare w klepetach
Wandrowani po gorach fot: FJD



Dodaj do Facebook

CO TYDZIYŃ PO NASZYMU: Coby szmatłać sie po gorach trzeja mieć pare w klepetach

FJD
CO TYDZIYŃ PO NASZYMU: Coby szmatłać sie po gorach trzeja mieć pare w klepetach

Nejważniejsze ś nich to je PTTK...

Szpacyrkym po Cieszynie “Gdo sie za swój jynzyk wstydzi takim niech sie każdy brzidzi”

Wandrowani po gorach

W chałupie na Głymboki pod nomerym pińdziesiónt szejść, znaszły se swój plac aże trzi instytucyje. Tak genau nie wiadomo czy łóne tam na zicher wszecki urzyndujóm, ale po wyrchu widać, że isto ja. Nejważniejsze ś nich to je PTTK, bo óno założóne zustało przeszło sto roków tymu, a tak naprowde funguje w Cieszynie łod 1910 roku. Było to eszcze za Franca Jozefa i tustelocy zrobili to kape łod zowiści Niemcom/Austriakom, kierzi rychlij prziszli na to, że ludzióm to wandrowani po gorach robi wielki szpas. Były to czasy jeszcze bez komputrów, telefónów, autów i skyrs tego jak prziszła niedzieliczka tustelocy dostali taki napad, coby nie dziwać sie fórt na ty nasze Beskidy yno sprugować po nich powandrować. Jo eszcze pamiyntóm wiela to było uciechy jak sie tak człowiek wydropoł na Kubalonkę, Stecówkę, abo Baranią i tam na loske przibił se taki plechowy znaczek, kiery był takim trofeum jak prawie wrażyni fanki do śniega na Mont Evereście. Dzisio uż isto żodyn nie stoji ło to, coby sie dropać do wyrchu na gory po tyn znaczek, ale wiyncyj sie ludzióm rozchodzi ło rozruszani kości i ściepani s sie kapke sadła. A dlo nimocnych co ni mogóm sie dropać po szkarpach do wyrchu, abo dlo inkszych lyni zrobióne uż sóm na nikiere gory cesty, coby ani nie trzeja by wysiadać s auta yno łokno spuścić na dół i wydychnóć se świyżym luftym. Dzisio też moc ludzi aji zwyrto pedajlami na swojich kołach, coby tyn hańdowny wander po gorach zwekslować na inkszóm turystycznóm ucieche. Nie wiym czy to pedajlowni je zdrowsze łod szpacyrowanio po kłepetach, ale przeca isto każdy wiy lepszyj jako turystyka zdrowio mu przidowo.

Mini słownik:
genau- prawie,
na zicher- na pewno,
funguje-funkcjonuje,
kapke-trochę,
rychlij-szybciej,
szpas-uciecha,
skyrs-z powodu,
dziwać-patrzeć,
plechowy-blaszany,
ściepać- zrzucić,
cesta-droga,
luft-powietrze,
nimocny-chory,
zwyrto-kręci,
koło-rower,
klepety-nogi,

Tóż miyjcie sie wszedcy dobrze i wiesiołego popióntku

Komentarze: (1)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

genau- prawie - CZYŻBY??? Może jednak "dokładnie"???

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama