CO TYDZIYŃ PO NASZYMU: Trzeja zawczasu cosi s Czech se prziwiyś, bo wszecko idzie ku tymu coby granice zawrzić

”...wiszom chwolidła na wszelijaki przileżytości...”. fot. FJD

”Nejwiynksze taki żółte chwolidło wisi na płocie...”. fot. FJD

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Je putyka s piwym

Zeszły tydziyń była wspóminka o wiadukcie, ale chybiło placu coby napisać kiedy go odewrzili. Dlo obyczajnych ludzi zustoł odewrzity patnostego maja 1991 i łod tej doby cały świat śmigo po nim. Jednakowóż piyrsze miejsce w tym jeżdżyniu tam a spadki majóm Tustelocy i Zaolziocy. Trzeja jednak po sprawiedliwości rzeknóć, że Czechów je isto ze sto razy wiyncyj, bo łóni poradzóm naprowde ty swoji korónki dobrze porachować. Wszecko majóm po dziesiynć razy połoglóndane i wiedzóm kiery towor je “levny” i co trzeja przewiyś przez granicem. Kiejsi eszcze u nich szło sie napić tanigo czopowanego piwa, ale dzisio to uż mało gdo tam chodzi, bo w Cieszynie na co drugi ulicy je putyka s piwym. I nie wiym co dzisio tak naprowde Tustelocy na Czechach kupujóm i poradzóm na tym cosi prziszporować. Kierysi mi prawił, że eszcze w Czechach majóm wziyńci ci co poradzóm łokna wstawiać i aji ci co zawożóm im tam wszelijaki szyfónery odmaryje, sztokerliki abo aji całe kuchynie. Zaś po lewo eszcze kapke przed wiaduktym na płocie jak wszyndzi w Cieszynie wiszóm chwolidła na wszecki przileżytości. Ś nich idzie sie dowiedzieć kaj robióm rejfeszlusy, kaj sprawić se swojigo tira,kaj niechać auto kiere nóm ganc klynkło i kaj zawiyś plastikowe, zieleźnie, szklane i papiórzane ździorbia, kiere nóm uż w chałupie zawdzajóm. Najsrandoswniejsze je jednakowóż to chwolidło na kierym na jednym plechu do kupy zachwolo gdosi betón razym s kupowanim złómowanych aucisków. Podziwejcie sie co to ty ludziska nie wymyślóm, coby jyny cosi kómusi pociś. Nejwjynksze taki żółte chwolidło kiere tam wisi na płocie je tak napisane, coby każdy gdo to poczyto wszymnył se, że łóni na niego czakaóm.

Mini słownik:

chybiło - zabrakło,

odewrzili - otwarli,

spadkiisto - pewnie,

“levny”czopowane - beczkowe,

szyfóner - szafa,

sztokerlik - taboret,

odmaryja - szafa,

kapke - trochę,

kaj - gdzie,

ździorba - rzecz nieużyteczna,

chwolidło - reklama,

wszymnyłMiyjcie sie wszedcy dobrze i wiesiołego popióntku!

Dzisiejszy tekst ma tytuł "Je putyka s piwym".