CO TYDZIYŃ PO NASZYMU: Sztyry kolca .  .  . POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Kapke mi je gańba, żech przepomnioł napisać ło tym kszefcie, kiery znaszeł se plac w chalupie łod dyrekcyji “Społem” i dzisio to trzeja nadrobić. Za auslagom mo łoferte, kiero na zicher każdej paniczce sie spodobo. Nie wiym jako te łofetre zmianować, bo łóna je nacióngnióno na sztyry kolca, kiere wiszóm za auslagom. Nikierzi na to dzisio pawiom stringi i możne, że dziepiyro jak łóne zustanóm nacióngnióne na babski zadki to chłopi zachycóm ło co sie rozchodzi. Przez ty same dwiyrze przez kiere sie wlazuje do tego kszeftu idzie też donś do schódków po kierych dostanymy sie na wyrch, kaj urzynduje trzóch adwokatów. Dzisio uż na zicher s tej stróny rynku nie znóndymy nic nowego i wólki ni wólki muszymy przelyź eszcze roz przez ulice Szersznika i przynś wedla “Kamienicy Konczakowskich”. Zaroz wedla za nióm stoji eszcze nie obalóny nasz przepiynknej urody “Hotel pod Brunatnym Jeleniem”, kierego uż pore roków żodnymu przedać sie nie podarziło. Kierysi wyszpekulyrowoł, że możne sie to podarzi jak roztajluje sie to na kwartyry, ale też jakosi chyntnych do kupowanio tam ni ma. Coby możne jakigosi miłośnika cysorza Franca Jozefa napytać do kupiynio se izby w kierej tyn cysorz spowoł, to na balkónie zawiesili tabule na kierej stoji napisanie “Apartament cesarski”. Problym tej informacyje je taki, że ta tabulka na kierej to pisze je kapke za mało i bez rolnetki żodyn ji nie uwidzi, a gołymbie kiere tam wedla ni furgajóm żodnego grosza we wolu przeca nie dzierżóm. Tak czy inakszyj przedowani tego zasłóżónego hotelu dlo Cieszyna isto trwać bydzie eszcze dłógi roki. Mini słownik: Tóż miyjcie sie wszedcy dobrze i wiesiołego popióntku Dzisiejszy tekst ma tytuł "Sztyry kolca":
|
reklama
|
|||||||||||||||
|
Dodaj komentarz