, wtorek 19 marca 2024
CO TYDZIYŃ PO NASZYMU: Cudzy trefi sie czasym aji dobrym kamratym
Nie wiym czy to je dobre czy może ganc do luftu, coby co pore roków sie wykludzać s kszeftu i dać go kumósi inkszymu. fot: F.J.Dral



Dodaj do Facebook

CO TYDZIYŃ PO NASZYMU: Cudzy trefi sie czasym aji dobrym kamratym

F.J.DRAL
CO TYDZIYŃ PO NASZYMU: Cudzy trefi sie czasym aji dobrym kamratym

Zdjęcia F.J. Dral


CO TYDZIYŃ PO NASZYMU: Cudzy trefi sie czasym aji dobrym kamratym


CO TYDZIYŃ PO NASZYMU: Cudzy trefi sie czasym aji dobrym kamratym


CO TYDZIYŃ PO NASZYMU: Cudzy trefi sie czasym aji dobrym kamratym

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo

być zawsze do prawjynio gotowo

a jak cie uż żodyn nie bydzie rozumioł

to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Sissi mo miano

Nie wiym, czy to je dobre czy może ganc do luftu, coby co pore roków sie wykludzać s kszeftu i dać go kumósi inkszymu. Moc tusteloków sie s Cieszyna wykludziło, ale czasym majóm taki napad, coby nawszczywić stare śmieci, a potym nie poradzóm się tu nónś. Lepszyj by isto było wyszpekulyrować taki szyldy jak sóm na tanksztelach, kiere pokazujóm cyny bynziny i bez wylazowanio na drabine same sie zmiyniajóm. Pod laubami był eszcze niedowno bank Paribas, a dzisio uż tam jacysi cudzi ludzie sztelujóm sie do odewrzicio jakigosi ormiańsko-gruzińskigo bistra. I nie sóm to ludzie tu stela, ale oryginalne dwa Ormiany. Widać, że nie wszedcy cudzi ludzie, kierzi sie do Cieszyna przikludzili, majóm rynce wykryncóne do pola i nie chcóm nic robić. Łóni aji sami prościli przed dwiyrzami tyn pokrziwiony tretuar, bo jak mi prawili chcóm pokozać wszeckim jacy naprowde sóm ludzie nie tu stela. Możne, że im to bydzie dobrze fungować, bo po tej strónie rynku bydóm sami u kieryćh pudzie cosi wartko zjeś, łod czasu jak to "Co nie co" kopyrtło. S inkszych wiecy kiere idzie uwidzieć na rynku to je cukiernia Sissi, wedla downego Pewexu, kaj uż rozmajte kszefty prugowały egzystować. Roz aji była tam jakosi herbaciarnio Chopin, kiero też sie nie udzierżała, bo isto dowała tustelokóm jakómsi gorskóm herbate. Dzisio ta cukiernia Sissi mo miano po cysarzowej łod Fraca Jozefa, kiery fest mioł rod nasz Cieszyn i skyrs tego przijechoł tu do nas aż sztyry razy. Nie wiym, czy był tu ze swojóm paniczkóm, bo ło tym ksiónżki nie piszóm, ale jesi ni, to chocioż dzisio ta cukiernia ło ni pamiynto.

Mini słownik:

ganc-całkiem,
wykludzać-wyprowadzać,
kszeft-interes,
napad-pomysł,
nawszczywić-odwiedzić,
nónś-znaleźć,
wylazować-wychodzić,
cudzi-obcy,
sztelujóm-przygotowują,
prościli-prostowali,
fungować-funkcjonować,
wedla-obok,
gorskóm-gorzką,
fest-bardzo,
skyrs-z powodu.

Tóż miyjcie sie wszedcy dobrze i wiesiołego popióntku

Dzisiejszy felieton ma tytuł "Sissi mo miano"

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama