CO TYDZIYŃ PO NASZYMU: S Cieszyna do Polski idzie sie dzisio dostać yno autym abo kóniami

”...tabula ,a raczuj dwie...". fot. FJD

”...do nich prziwiyź zielazne ździorba...”. fot. FJD

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Jak my tak pumaluśku pokraczowali tóm Frysztackóm to naroz postawila sie nóm na łoczy łostatnio sztreka, kiero kupluje Cieszyn ze światym. Cugi, kiere tam po ni jeżdżóm nie bardzo wyglóndajóm na dwacatypiyrszy wiek, ale nikiedy jak kolejorz przispi to puści nóm chocioż jakisi modernie posztrajchowany. Normalnie to jeżdżóm łod Zybrzidowic taki ćmawo bronatne, a ku tumu eszcze poszkryfane szprajami.Kiejsi jak w Cieszynie eszcze było moc werków to przeogrómne procesyje ludzi dojyżdżały ku Cieszynu. Było tego tak moc, że do cugu nie szło wlyź, a moc razy eszcze tustelocy wisieli na schódkach. To "uż se isto ne vrati", bo Cieszyniocy nakupili autowego szrotu z całej Europy i żodnymu nie przichodzi do czepani, coby do zugu wlazować. Za Olzą Czesi byli jak zawsze łod nas móndrzejsi i żodnych cugów nie skantrzili i skyrs tego u nich po dzisio idzie dojechać cugym do każdej dziedziny. Cosi niemorzebnego siedzi w tym polskim narodzie, a przi tym i aji w Cieszyniokach, że nie poradzóm porzóndnych wiecy odgapić łod inkszych nacyji. Wszecko muszóm nejprzód sami poprugować i sie łoparzić, a dziepro potym pytać drugich jak uż je czasym za nieskoro. Dómy tym cugóm uż dzisio pokuj, bo ciepła mi sie na łoczy tabula a raczyj dwie, kiere namowiajom nas, coby do nich prziwiyź stare zielazne ździorba, a przi tym jak w zogródce nadbyło nóm jabłek to aji łóne. Fajnie se to wyszpekulyrowali, bo isto nejprzód kupióm stare lawory i inksze zielazne kiśnie do kierych ty jabka po tym wsujóm. Co to uż ludzie nie wymyślóm,coby yno pore groszy utarżyć, to sie w czepani nie mieści.

Mini słownik: