CO TYDZIYŃ PO NASZYMU: Dzisio każde depo mo izbem kaj tustelocy robióm hałdamasze”...przedujóm meble ,kiere sóm wystrugane s jednego kónska...”. fot. FJD ”Kapke dalij stoji modry blaszok...”. fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Kapke nóm eszcze tej Frysztacki zustało i muszymy sie śpiychać, coby przed zimóm zdónżyć wszecko obezdrzić. Na chwiliczkem stanyć trzeja przi Boguszowickim depo, bo je sie na co podziwać. Fajermóni pieknie go łopucowali i widać, że dbajóm ło niego. Na obkoło je wszecko szumnie poukludzane i nie idzie sie do niczego przistawić. Wszecki ty depa naobkoło Cieszyna sóm abo nowe abo tak pieknie zrychtowane, że aże dziw biere czy to je łod fajermónów. To depo w Boguszowicach isto nimo wiela roboty, bo kónsek dalij w lakierach dzierżóm wachtem dwacetsztyry godziny na dobem państwowi fajermóni. Kiejsi jak wszecki chałupy były drzewiane i co chwila kansi gorało to ludziska prziszli na to, coby na każdej dziedzinie postawić depo i wartko pod rynkóm mieć wode do gaszynio. Kapke dalij je chałupa w kierej kierysi kszefci wszeckim co potrzebujóm elektrykorze, a przi tym zachwolo jakisi moderne rzazani laserym. Zaś na prociw przedujóm meble, kiere sóm wystrugane s jednego kónska drzewa i nazywajóm sie Mazzivo. Kapke dalij stoji taki modry blaszok na kierym nic nie pisze, chocioż tego modrego plechu je tak moc i dziw biere, że eszcze żodyn go nie poszkryfoł. Zaś jak sie zwyrtnymy to ciepnie sie nóm na łoczy tako modro brama za kierom je firma Davina Packaging ło kierej piszóm, że robi papiorzene taszki. Prziszli łóni aże skónsi ze Anglije i nie wiym jako sie im to podarziło wychledać kónsek gróntu w naszym mieście. A jakby tak dobrze porozmyślać to u nas w Cieszynie sóm na zicher firmy co robióm rozmajte papiórzane kiśniczki, to isto s papióru poradziliby też skłodać taszki do kupy. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Modry blaszok".
|
reklama
|
Dodaj komentarz