CO TYDZIYŃ PO NASZYMU: Nie worce sie łokocóniać s budowóm, bo to dycki moc kosztuje”...kieróm uż gdosi stawio porem roków...”. fot. FJD ”...a dzisio zamiyszoł klijyntóm w czepaniach". fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Dzisio uż nóm wiela nie zustało coby stanóć na granicy Cieszyna, ale eszcze przeca przed kóńcym idzie sie na cosi podziwać. Jak kiery se uż kupił jakómsi zielynine, abo strómek w tym kszefcie o kierym żech pisoł zeszły tydziyń, to może zaroz wypolić na cestem ku Hażlachu. Je tam zaroz skrynt na kierym trzeja dać se pozór, coby nie wderzić do kogosi, kiery śpiycho sie ku Cieszynu. Jak uż sie nóm tyn skrynt udo wybrać i do żodnego nie wpolymy to po prawo idzie uwidzieć takóm drzewianóm chałupe, kieróm uż gdosi stawio pore roków. Jak dłógo to uż trwo tego nie wiym, bo to nimóm to po ceście, coby sie fórt na nióm dziwać. Tak czy inakszyj widać s tego, że kómusi chybiło piniyndzy, abo sie powadził s babóm. Nie wiym co to je ,czy co to miało być, ale s daleka wyglóndo to na jakómsi gospodem, abo cosi do spanio. Jak sie bydzie dalij s tym tak łokocónioł to wszeckich klijyntów zbiere mu niedowno tymu odewrzity McDonald i bydzie mioł po radości. Tak czy inakszyj mo szczynści, że mu tego jacysi zbereźnicy uż nie rozebrali, bo żodnego wachtyrza tam nie widać. Możne, że stykło mu to, że wylepił za łoknami kartki s postraszynim łod firmy, kiero niby dowo tam na tóm chałupem pozór. Najlepszyj jakbyście sie tam sami na szpacyr wybrali i podziwali sie ze wszeckich stron na tóm gorolskóm chłupem. Na prociw jak uż napasymy łoczy to mogymy poprógować prziś do porzóndku s tymi szyldami na tym autowym warsztacie, kiery kiejsi przedowoł i sprawowoł yno sme Reaulty, a dzisio zamiyszoł klijyntóm w czepaniach. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Dać se pozór".
|
reklama
|
Dodaj komentarz