CO TYDZIYŃ PO NASZYMU: I prziszeł taki czas, coby sobóm buchnóć do wody"...aże sie jakimsi sztudyjym nazywo...". fot. FJD "...przi strómkach zacwolać kupowani kómpielek". fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Sóm rozmajte dziwy w tych Kalymbicach, ale coby sztarajchowani aut skuplować s gatkami do kómpnio to je wyczyn światowego sortu. Możne, że ty chłopski i babski kómpielowe oblyczki idzie se tam obsztelować jak w butiku, a ku tymu posztrajchowene akrylowóm farbóm. Dziynka Bogu odewrzite to majóm yno w lecie, bo isto na tela sóm szprytni i wiedzóm, że na jesiyń kómpielowych wiecy sie u nas nie przedo. Kapke dalij trefiymy na kszeft s farbami, kiere isto przedowane sóm tymu s przodku, co lakuje tam auta. To przedowani tej farby to nima jakisi żodyn obyczejny kszeft, bo aże sie jakimsi sztudyjim nazywo. Niewiym czy ta farba je lepszo w tym sztudyju czy w inkszym obyczejnym kszefcie, ale to szpekulyrowani s mianami na szyldach to nima yno cieszyńsko przipadłość. Zaroz wedla możecie se kupić rozmajte tajle do waszych aut, ale szpecyjalnie do autów Śkoda, kiere isto majóm aji do starych MB-eczek abo możne aji do Tudorów. Kónsek dalij cieszyniocy poradzóm se kupić wszecko co idzie posadzić w zogródce abo aji na balkónie. Dziw yno je taki, że nejważniejsze i nejwjynksze chwolidła, kiere tam wiszóm na płocie i aji na dachu zachwolajóm ganc inksze wieca. Bo widzioł gdo coby przi strómkach i inkszej zielynine zachwolać kupowani kómpielek po drugi strónie Cieszyna? Myślym se, że je to ganc dziwoki, bo żodyn jak se kupi mały strómek do posadzynio w zogródku nie poleci tym padym kupować rozmajtych wiecy do swoji kómpielki. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Kómpielowe oblyczki".
|
reklama
|
Dodaj komentarz