CO TYDZIYŃ PO NASZYMU: Młodo paniczkabyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Dzisio sztartnymy łod tego autowego kszeftu na Katowicki, kiery je fórt zawrzity ganc na amyn. Na płocie wywieszóny je nomer telefónu na kiery żech zazwónił, coby sie dowiedzieć kiedy mogym obezdrzić, a potym nieskorzij kupić to nowe stare auto. Nie podarziło mi sie to, bo tyn panoczek był kansi we świecie zganiać eszcze inksze auta. Na dzisio uż mu dómy pokuj i podziwómy sie co nas czako jak pujdymy dalij tóm cestóm. Kapke niżyj je krziżowatka z ulicóm Majowóm kaj w zogródku firma “Lestar” postawiła na dwóch kulikach swoji chwolidło. Muszym wóm powiedzieć, że je to jedno z piekniejszych chwolideł jaki widziołech w Cieszynie, bo na nim je pieknie uśmiychnióno młodo paniczka oblyczóno w te jejich BHP-owski galaty. Na prociw po drugi strónie cesty trefiymy na zielónkawóm chałupe w kierej egzystuje kszeft łod przedowanio rozmajtych wieców czeski firmy KOH-I-NOOR. Kszefcóm tam łóni rozmajtymi blajsztyftami, kretkami i inkszymi wiecami ło kierych każde biuro i nasze małe dziecka fórt rozmyślajóm. Miano tej firmy wyszpekulyrowoł downo tymu jakisi austryjok, jak możne sie zadziwoł na tyn jedyn s nejwiynkszych diamyntów na świecie Do dzisia tymi kretkami kiere wyrobiajóm w Czeskich Budziejowicach dziecka we szkołach na całym świecie szkryfajóm i malujóm rozmajte obrozki we swojich kajetach. Teraz obrócymy kark, coby po drugi strónie cesty uwidzieć kszeft, kiery przeduje wieca s kierymi insi w cyntrum Cieszyna majóm łostude kszewcić. Możne, że pumogajóm jim ty żółte ptoszki, kiere świyrkajóm w tych sztyróch zielónkawych klotkach, kiere wiszóm po lewo tej auslagi. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Młodo paniczka".
|
reklama
|
Dodaj komentarz