CO TYDZIYŃ PO NASZYMU: Na kierchów dycki sie chodzi porzykaćbyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Nie podarziło sie nóm latoś poszpacyrować po cieszyńskich kierchowach, bo ci, co dzisio nami rzóndzóm, kozali ich pozawiyrać. Tustelocy sie jednakowóż pośpiychli i jak to było widać przez płot kierchowa, uż rychlij na grobach swoich przibuznych, postawili dómbki i rożli świyczki. Nejlepszyj to jednakowóź majóm ci tustelocy, kierzi pochowali swojich przibuznych w tym wystawiónym na kierchowie murku, kiery kolumbarium sie mianuje. Tak to kierysi wyszpekulyrowoł, że żodyn nigdy nie wiy, gdo, kiedy i dlo kogo tam postawił dómbki i rożnył świyczki, bo wszedcy stawiajóm ty wieca pod tymi dwiyrkami na trotuarze. S tego coch widzioł w internecie i telewizorni, kansi też znaszli sie tacy szpekulyranci, kierzi jednakowóż przszli na to, coby kierchowy niechać odewrzite. Jedni zwekslowali kierchowy na “parki cmyntarne”, a insi zciepali dwiyrka s bantów i napisali, że łóne sóm w sprawowaniu. U nas jakosi żodyn farorz, ani inkszy rotuzowy urzyndnik nie prziszeł na to, coby tustelokóm też zrobić takóm dobroć, bo wiedzóm, że trzeja by było nieskorzij jakisi sztrof za to zapłacić. W Cieszynie ludzie sóm szporobliwi i ci kierym ty dwiyrze od kierchowów przed nosym zawrzili, to ty dómbki, kiere mieli rychlij kupióne, porem dni nieskorzij na groby zaniyśli. Nikierzi prawióm, że jak sie kogosi dobrze spómino, to nie czako sie s kwiotkami na Wszeckich Świyntych, yno porem razy do roka trzeja na kierchów zónś i porzykać na grobie pochowanych tam przibuznych i swojich łojców. Mini słownik: nie podarziło się - nie udało sie, kierchów - cmentarz, pozawiyrać - pozamykać, pośpiychli - pośpieszyli, rychlij - szybciej, przibuzny - krewny, wyszpekulyrowoł - wymyślił, sie mianuje - się nazywa, dómbki - pelargonie, rożnył - zaświecił, wieca - rzeczy, dwiyrka - drzwiczki, kansi - gdzieś, prziszli na to - wpadli na to, odewrzite - otwarte, zciepali - zrzucili, farorz - proboszcz, w sprawowaniu - w naprawie, sztrof - kara, szporobliwi - oszczędni, nieskorzij - później, prawióm - mówią, spómino - pamięta, porzykać - pomodlić się. Tóż miyjcie sie wszedcy dobrze i wiesiołego popióntku.
|
reklama
|
Dodaj komentarz