, piątek 23 października 2020
CO TYDZIYŃ PO NASZYMU: Każdy wojok mo być przeczołgany po marasie
Je żech zwiedawy, wiela tych napadów s kierymi tustelocy przichodzili do tej biołej budki, kiero porem dni tymu stoła na na rynku sie spodobało.  fot: FJD



Dodaj do Facebook

CO TYDZIYŃ PO NASZYMU: Każdy wojok mo być przeczołgany po marasie

FJD
CO TYDZIYŃ PO NASZYMU: Każdy wojok mo być przeczołgany po marasie

”... uwidzi tóm rozrażónóm sztreke...”. fot. FJD


CO TYDZIYŃ PO NASZYMU: Każdy wojok mo być przeczołgany po marasie

”...i tych małych plosach...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Na tych hymbołach

Je żech zwiedawy, wiela tych napadów s kierymi tustelocy przichodzili do tej biołej budki, kiero porem dni tymu stoła na na rynku sie spodobało. W ni, gdo yno mioł chynć, móg se porzóndzić s nejważniejszymi urzyndnikami s rotuza i rzeknóć, co mu leży na sercu i co mu w mieście zawadzo. Kierysi cosi jednakowóż przedobrził, bo przeca u nas ni ma tak jak w Szwajcaryji, coby każdy dobry napad zgłoszóny przez bele kogo, dycki w ty piynty referyndować. Przeca do dzisia, to je eszcze je tak, że wybiyro sie nejprzód s siebie tych nejmóndrzejszych, coby łoni nieskorzij szpekulyrowali co trzeja w mieście poprawić, a czego poniechać. Jakosi isto za dłógo ci wybrani nie brali sie do roboty i rotuzowym prziszeł taki napad, coby porzóndzić s kim sie yno do, bo możne podarzi sie trefić na kogosi móndrzejszego. Rzecz sie fórt toczy ło to, coby do Cieszyna naganiać moc nowych lufciorzi i letnikorzi, kierzy by tu w naszych kszeftach i gospodach niechowali porem złotych. Mie sie jednakowóż zdo, że s tym bydzie moc łostudy, bo jak kiery nas nawszczywi, a uwidzi tyn maras na Głymboki to na zicher nie przijedzie tu po drugi ze swojimi przibuznymi. To samo sie stanie, jak uwidzi te rozrażónóm sztreke na banhofie, kiero mo kiejsi zakludzić wszecki cugi, aże do Goleszowa. Kiejsi na takich hymbołach gónili s gwerami wojocy, kierzi rychtowai se swojóm kóndycyje na wojnem i możne dobrze by było tak to niechać i zrobić s tego atrakcyje naszego miasta. Wojoków w Cieszynie kapke uż zaś mómy, to niech sie chłapcy na tych hymbołach i tych małych plosach ćwiczóm, coby sie kiejsi nie dać żodnymu chlasnoć po pysku.

Mini słownik:

zwiedawy - ciekawy, napad - pomysł, gdo - kto, w ty piynty - szybko, rotuz - ratusz, rzeknóć - powiedzieć, zawadzo - przeszkadza, dycki - zawsze, nieskorzij - później, szpekulyrować - wymyślać, poniechać - zostawić, porzóndzić - porozmawiać, podarzi - uda się, trefić - spotkać, fórt - ciągle, letnikorz - wczaswicz, lufciorz - turysta, kszeft - sklep, niechać - zostawić, maras - błoto, łostuda - kłopot, nawszczywi - odwiedzi, na zicher - na pewno, przibuzni - krewni, sztreka - tor, banhof - dworzec, zakludzi - zaprowadzi, cugi - pociągi, hymboły - nierówności, gwery - karabiny, kapke - trochę, ploso - dołek z wodą, chlasnóć - uderzyć.

Tóż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama