CO TYDZIYŃ PO NASZYMU: Możne, że uż je czas te dziure pod cieszyńskim rynkym wycharatać

“Nima w Cieszynie kónska cesty na kierej by nie stoł jakisikej Czech...” fot. FJD

“...szoferzi stowajóm kaj jyno chcóm.” fot. FJD

Dzisio Wóm zaś poczytóm po naszymu opowiadanie “Świąteczne wspomnienia” Henryka Jasiczka z książki Humoreski Beskidzkie. fot. FJD

Redakcja portalu www.gazetacodzienna.pl nawiąże współpracę z miłośnikami naszej pięknej, cieszyńskiej gwary, którzy podjęliby się współtworzenia "Kącika gwarowego" poprzez pisanie gwarą krótkich opowiadań o swoich miejscowościach. Mogą one przybrać formę wspomnień lub aktualnych spostrzeżeń na temat swojej "małej ojczyzny". Przesłane opowiadania mogą zapoczątkować cykle: "Szpacyrek po..." Skoczowie, Strumieniu, Goleszowie lub innej cieszyńskiej miejscowości.

Chętnych prosimy o kontakt telefoniczny lub mailowy. Tel. 602-571-636 lub redakcja@gazetacodzienna.pl

cd. słownika:

bakać-pracować co sił
dzisio przidzie nóm bakać przi budowie

bakany-coś brudnego
dziełuszko nie dowej tego do gymby bo to je bakane

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

To je opowoga

Latoś to uż je łostatni szpacyr i trzeja bydzie jakosi prziwitać tyn Nowy 2013 Rok.Sie mi zdo,że isto każdy wiy jako to sie robi i niebydym żodnymu nic doradzoł,bo eszcze narobiym se jakisi łostudy.Powiym wóm jyno,że dzisio szpacyrować po tym zaciśniónym auciskami Cieszynie to je opowoga. Ni ma w Cieszynie kónska cesty na kierej by nie stoł ze swojim ”wozidlym” jakisikej Czech, Słowiok abo jak sie mu podarzi aji cieszyniok. Przeca uż kiejsi pore roków tymu łojcowie miasta zamierzali sie do wykopanio pod rynkym taki wielki dziury coby wszecki auciska tam znaszły swój plac, a tu mosz roki idóm a łóni nie chycili sie ani za sztychówke .Tak se myślym coby było dobre tak przed każdymi godami pościepować s cestów wszecki znaki drogowe abo łóne zadekować i niech bez sztrofu szoferzi stowajóm kaj jyno sie do.I możne jak by sie ło tym”bratrzi” Czesi zwiedzieli to by sie schyrkli ze wszeckich czeskich dziedzin i kszeft szeł by w Cieszynie eszcze lepszyj niż idzie dzisio.Żodyn przez tych pore dni by nie fluchcił a ludziska pamjyntali by to łojcóm miasta możne cały rok i prziszli by ku nim s takim winszym jako to hańdownij sie winszowało: ”Winszujym wóm szczynścio,zdrowio na tyn Nowy Rok,żebyście byli weseli jako w niebie anieli cały rok,ale ni jyny na ty prziszły rok,ale na delsze czasy,żeby sie wom mnożyło darziło abyście mieli zimioki jak chodoki a kapuste jak pnioki, żeby sie wóm chowaly cieliczki jako w lesie jedliczki,byczki jako w lesie buczki, owieczki jako w lesie mrowieczki,żeby wóm w studni nie chybiało wody,żeby wóm krety w polu nie robiły szkody, żebyście mieli pełno zboża w stodole a pinindzy w kumorze.Aby sie wóm dziywki powydowały a pachołcy pożynili a mie starego winszownika na wiesieli zaprosili”.

A teraz zaś fajny wic:
”Haniczko ni ma cie gańba-prawi pani we szkole.-Mosz uż prawie szesnost roków a fórt eszcze nie poradzisz jak sie patrzi napisać jako sie nazywosz !-A czy to worce ?- Prawi dziywcze.-Przeca za pore roków sie wydóm i bydym sie inakszyj nazywała.”

Winszujym wszeckim szczynścio zdrowio na tyn Nowy 2013 Rok.

Dzisio Wóm zaś poczytóm po naszymu opowiadanie “Świąteczne wspomnienia” Henryka Jasiczka z książki Humoreski Beskidzkie