, czwartek 28 marca 2024
CO TYDZIYŃ PO NASZYMU: Byłby uż czas coby ty świónteczne strómki na Rynku zacznóć pieknij strojić
“...jakby kierysi w ty miejscu wyszkuboł pore gałynzi...”. fot: FJD



Dodaj do Facebook

CO TYDZIYŃ PO NASZYMU: Byłby uż czas coby ty świónteczne strómki na Rynku zacznóć pieknij strojić

F.J.Dral
CO TYDZIYŃ PO NASZYMU: Byłby uż czas coby ty świónteczne strómki na Rynku zacznóć pieknij strojić

“Bo na Gody ani tego Floriana nie łopucowali...”. fot. FJD


CO TYDZIYŃ PO NASZYMU: Byłby uż czas coby ty świónteczne strómki na Rynku zacznóć pieknij strojić

“...szmatle sie jakisi chłop s kiśnióm na głowie...”. fot. FJD


CO TYDZIYŃ PO NASZYMU: Byłby uż czas coby ty świónteczne strómki na Rynku zacznóć pieknij strojić

Dzisio Wóm zaś poczytóm po naszymu opowiadanie “Przygotowania do Świąt" Marii Pilch, z książki "Wisła naszych przodków". fot. FJD

"Gdo sie za swój jynzyk wstydzi takim niech sie każdy brzidzi".

Redakcja portalu www.gazetacodzienna.pl nawiąże współpracę z miłośnikami naszej pięknej, cieszyńskiej gwary, którzy podjęliby się współtworzenia "Kącika gwarowego" poprzez pisanie gwarą krótkich opowiadań o swoich miejscowościach. Mogą one przybrać formę wspomnień lub aktualnych spostrzeżeń na temat swojej "małej ojczyzny". Przesłane opowiadania mogą zapoczątkować cykle: "Szpacyrek po..." Skoczowie, Strumieniu, Goleszowie lub innej cieszyńskiej miejscowości.

Chętnych prosimy o kontakt telefoniczny lub mailowy. Tel. 602-571-636 lub redakcja@gazetacodzienna.pl

cd. słownika:

bajtlik - woreczek
Starzik mioł tabekem w bajtliku.

bajzel - bałagan
U ciotki w siyni je fórt bajzel.

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Ni mo żodnego szpica

Przyndymy dzisio pod ratuszym i podziwómy sie na tyn świónteczny strómek, kiery tak samo jak łóńskigo roku stoji przi ratuszu. Tak dobrze se nimogym spómnieć jako łón wyglóndoł łóńskigo roku ale latoś je jakisi niedziwny. Mało, że ni mo żodnego szpica ani aniołka na wyrszczku to eszcze mo ty gałynzie jakisi niepodarzóne. Tak u spodku po lewo wyglóndo jaby kierysi wyszkuboł w tym miejscu pore gałynzi, abo możne że mu nie urosły. Ni ma możne coby w naszym powiecie w kierym rosnóm telkowne smreki i jedle nie wybrać jakigosi pieknego strómka. Isto łojcóm miasta to je fuk jaki tyn strómek bydzie stoł i jak bydzie ustrojóny, bo przeca każdy mo dóma telewizor i może sie podziwać jako kaj indzij w Polsce dejmy na to we Warszawie ludzie strojóm strómki. W tyn godowy czas dziepjyro widać jacy my sóm borocy w tym Cieszynie i ni mómy abo nie poradzymy tak sie wyblichtrować jako insi. Możne mi kiery powiy skónd ty insze wiynksze miasta bieróm na to pinióndze i przinajmniyj roz do roka poradzóm sie postawić i wszecko pieknie ustrojić i wyglanczyć. Bo u nas na gody ani tego “Floriana” nie łopucowali z tych gołymbich fleków i czakali aż to śniyg przisuje coby żodyn lufciorz tego nie widzioł. Kryzys widać uż u nas na całego, bo eszcze kiejsi po miescie przed godami plyntły sie po cestach jakisikej anieliczki a dzisio szmatle sie jakisi chłop s kiśnióm na głowie i namowio coby se jakómsi kuchyń kupić. Nic wóm ludziska nie zustało jyno se każdy musi sóm swojóm chałupe abo kwartyr ustrojić tak coby jak na Gody przidóm wasi przociele abo winszownicy nie było was gańba. Że idóm Gody mocie też przyleżytość uwidzieć to w każdym wiynkszym cieszyńskim kszefcie bo łóni tam eszcze prugujóm udować, że ludzie tak jak łóńskigo roku eszcze majóm pinióndze.

A teraz zaś fajny wic:

Kiejsi we wilije pościło sie aż do wieczerzy i dopołednia nic sie nie jadło. A Kareł we wilije poszeł do gospody i kozoł se golónko. Naroz tam wloz Jónek i prawi: - Wiysz Karle wiela cie tyn grzych bydzie kosztowoł ? - A Kareł - toć wiym - dwacetzłotych.

Mjyjcie sie wszedcy dobrze i Wiesiołych Świąt a ku tymu Szczynśliwego Nowego Roku jakby prziszeł rychlij.

Dzisio Wóm zaś poczytóm po naszymu opowiadanie “Przygotowania do Świąt" Marii Pilch, z książki "Wisła naszych przodków".

Komentarze: (2)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

W tym słowniku je jakisikej kopaniec.
Starzik mioł tabekem w bajtliku - tu cosikej niepasuje z tóm tabakóm.
Gorol z Bukowca albo Istebnej by napisali: mioł tabakym w ...
Jo od Cieszyna bych napisoł: mioł tabake w ...
A hawiyrz by napisoł: mioł bago, ale niewiym w czym go nosili bo w bajtliku isto ni.

Mogłeś, Franku, wspomnieć o piciu w dzień wigilijny wiliówki, bo to stary zwyczaj na Wisłach.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama