CO TYDZIYŃ PO NASZYMU: Kiery se porzyko to zaroz ulży "...wjyżdżało sie pod takóm małóm laubóm". fot. FJD  "...po drugi strónie cesty je drugo kapliczka...". fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Dzisio dalij sie dropiymy po tej Hażlaski ku wyrchu i łoglóndómy wszecko to co nóm ciepnie sie na łoczy. Piyrsze po lewo na prociw tej wielki szkarpy stoji graniasty betónowy słup pod kierym dziynnie kierysi stawio świyże kwiotka i zapolo świyczki. Nic tam na nim nie pisze i nie bardzo wiym w czyji intyncyji to je robióne. Idzie sie yno kapnóć, że roizchodzi sie o Chrystusa, bo przibity krucyfiks na tym betónowym słupie ło tym nóm prawi. Możne, że jak gdosi kiejsi tyn słup postawił to chcioł pobożnym ludzióm dać takóm przileżytość coby przi tym dropaniu sie do wyrchu na chwiliczkem mógli se spocznóć i porzykać. Na modlitwem zawsze je przileżytoś i nigdy ji nima za moc. Bo przeca kapke wyżyj na prociw po drugi strónie cesty je drugo kapliczka, kiero je postawióno ku chwale św. Maryji, bo pisze na ni Ave Maria. Jak kiery nie wiy co ty łaciński słowa nóm prawióm to powiym wóm, że po naszymu i po polsku je to anielski pozdrowiyni “Zdrowaś Maryjo”. Nie wiym czymu tak blisko stojóm ty dwa miejsca do pomodlynio i do przeżegnanio sie, ale możne je to tymu jakby gdosi przepómnioł jednóm zdrowaśke za mało porzykać to mo przileżytoś za porem metrów tyn feler sprawić. Wedla po lewo uż stoji tako staro chałupa do kierej kiejsi wjyżdżało sie pod takóm małóm laubóm. Dzisio uż yno tam wiszóm na ścianie dwa stare szyldy łod tapicera, kiery uż tam nie egzystuje. Myślym se, że sie isto kansi wykludził, bo dach na tej chałupie w kierej mioł tyn warsztat uż je ganc zalónknióny. Dzisio fajny wic: Baba rzyko pod krziżym: - Pón Bóczku poszlijcie mi ze dwie stówki, bo chybiło mi do piyrszego. - Ułyszoł to ożrały chłop, kiery szeł s gospody. - A 150 może być - zawrzwszczoł, bo resztem niechołech w gospodzie. - Ale ja - prawi baba i modli sie dalij: - Pón Bóczku na podrugi poszlijcie mi to jakosi inakszyj, bo tyn chłop ukrod mi 50 zł. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Świyże kwiotka".
|
reklama
|
|||||||||||||||
|
Dodaj komentarz