CO TYDZIYŃ PO NASZYMU: Dzisio przed wiatrym nima kaj uciyc chyba, że mignymy do Czech

"...na prociw podrugi strónie cesty...". fot. FJD

"...stoji wielko piyntrowo chałupa...". fot. FJD

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

W zeszłóm strzode prziszeł taki szpatny czas, że prawie s nieba prało żabami. Aże my sóm na Hażlaski toch se spómnioł ło tym panoczku, co porem roków tymu prziwalił go tam na skryncie kasztanwy kónor i łodebroł mu życi. Do dzisia tam wedla przikopy stoji mały granitowy krziż postawióny możne, że przez jego rodzinem, abo przibuznych. S tego widać, że jak wiater porzóndnie duchnie to aji w naszym Cieszynie nima kaj uciyc i człowieka dopadnie to, co mu je pisane. Możne, że dzisio i aji tego lata nic uż s nieba nie spadnie i suchóm nogóm przyndymy na sóm wyrch tej Hażlaski. Kapke wyżyj za tym kszeftym co je odewrzity aji w każde świynto idzie trefić na dwa chwolidla, kiere przirażóne sóm na ścianie, a trzeci na gelendrze. Jedno mo biołe litery namalowane na jakimsi modrym plaskatym laworze, a drugi nie wiym czymu zachwolo cosi co egzystuje ganc s drugi stróny Cieszyna. Myślym se, że na ty wszecki chwolida żodyn sie nie dziwo, a łóne wiszóm abo stojóm yno po to coby ci łod tych ścian mógli cosi utarżyć. Kapke dalij je krziżowatka s ulicóm Gołębią, przi kierej we winklu stoji wielko piyntrowo chałupa. Nima uż w ni wiela ducha co widać na połodlazowanym pucu i obalónym płocie. Wyglóndo na to,że ci co ta chałupa je jejich jakosi fest zbiydnieli, abo uciykli kansi za robotóm do pańiczki Merkel abo panoczka Cameróna. Zaś na prociw po drugi strónie cety widać, że myszkajóm tam robotni ludzie i chałupem pieknie opucowali.

Dzisio fajny wic:

Jozef - wrzeszczy baba na chłopa. - Kierysi burzi do dwiyrzi. - To mu odewrz i spytej sie co chce. - Jakisi Jónek przyszeł pojczać dwie szufki gnojówki, bo w zyngrubie do kierej wpadła jego teściowa je ji za mało i ta baba eszcze może chytać luft.

Mini słownik: