CO TYDZIYŃ PO NASZYMU: Kiejsi sie dziecka uczyły we szkole co to je AS dzisio trzeja wiedzieć co to je ASObyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Zeszły tydziyń stanylimy przy takim autowym kszewcie, kiery jak to dzisio na nim pisze je wielkim SPEKTRUM. Kiejsi przedowali i sprawowali tam yno Renaulty i nie wiym co ich naponukło, coby sie przekabacić na warsztat łod sprawowanio wszelijakich aut. Możne, że nie zdzierżeli konkuryncyji, bo kozowali se za swojóm robotem za moc płacić, isto skyrs tego, że na rachunku przibijali sztympel s trzóma literami ASO. Co to ASO tak genał prawi tego nie wiym, ale wszecki autowe werki kożóm se w jejich warsztatach sprawować auta, coby eszcze roz jak sie patrzy porzóndnie łodrzić kliynta s piniyndzy. Tak czy inakszyj trzeja ich pochwolić, że przeca przyszli na to, coby wiyncyj nie odziyrać cieszynioków s piniyndzy i jak to sie dzisio prawi, stanóć fróntym do klijynta. Jako sie im tam darzi tego nie wiym, ale isto kszeft idzie jak sie patrzi, bo szyldów na ścianach przibywo. Teraz jak eszcze niczym pokroczymy dalij, to sie podziwómy na tóm pieknóm drzewianóm chałupem po drugi strónie cesty, kiero łod starości uż ledwie stoji. Wyglóndo na to, że uż tam żodyn nie miyszko, bo w dachu sóm dwie dziury, a w łoknach nima żodnych forchangów. Zaroz zaś za tym SPEKTRUM mogymy se kupić stare/nowe aucisko, a pinióndze dostanymy pojczać w tym banku, kiery powieszoł swoji chwolidła na jejich płocie. Zaroz za płotym myślym se, że idzie kupić wszelijaki meble do swojigo kwartyru, bo na tej nowej podłógowatej chałupie wisi szyld s mianym ”Centrum Meblowe”. Czymu to je cyntrum tego nie wiym, ale dzisio mómy taki czasy, że każdy może zachwolać swój kszeft jako poradzi nejlepszyj. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Sprawować auta".
|
reklama
|
Dodaj komentarz