CO TYDZIYŃ PO NASZYMU: Kierchów w Cieszynie

"...je tam aż 8151 grobów...". fot. FJD

"...spióm uż tam przeszło stodwacet roków...". fot. FJD

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Ekumenizm dlo wszeckich

Jak my sie uż tak naszli na tej Katowicki to muszymy sie podziwać na tyn nejwjynkszy kierchów w Cieszynie. Lepszyj jednakowóż byłoby pisać ło tym kierchowie w łostatnim felietónie, na kiery przidzie kiejsi czas, bo dejmy na to, że naroz trzeja mi bydzie zynś s tego świata i żodyn uż nie napisze jaki tyn kierchów mómy piekny. A łoglóndać je co bo nie wiym czy wiycie, że na dzisio je tam aż 8151 grobów, a jak by tak eszcze porachować tyn plac kaj leżóm całe familije to byłoby tego isto s pół Cieszyna. Nie dziwota, bo “spióm” tam uż przeszło stodwacet roków rozmajci ważni i biydni Cieszyniocy. Kiejsi przi każdym kościele były kierchowy, a farorze mieli to po rynce i nie musieli daleko ze swoimi kropidłami szpacyrować. Czasy sie jednakowóż fest zmiyniły,bo ludzi porzibyło a ku tymu też rozmajtych religijów i tych umrzików trzeja było kansi w kupie pochować. Myślym, że tam na tym kierchowie mómy prowdziwne miejsce kaj je ekumenizm dlo wszeckich i żodyn sie ło nic nie wadzi. Nie słyszołech też coby tam po nocach cosi straszyło, bo isto to je tak, że jedyn umrzik drugigo przed tym haltuje coby nie robić tego na przedbiyżki. Bo jak jedyn s drugim za życio wierził w co inszego to moc by było dzisio s tym straszynim łostudy i możne aji doszło by na tym kierchowie do jakigosi krawalu. Dobre mómy aspóń to, że tam wszedcy sóm rowni i każdy bez znómości ani żodnej starośći dostanie swój plac na wieczne łodpoczywani. Niekierzi mówióm, że człowiek tak dłógo żyje jak mo plac w naszym sercu i zapolónóm świyczke na sojim grobie. S tym zapolanim uż je moc gorzij, bo przociele sie rospyrskli po całym świecie i yno im zustało płacyni prolóngaty za grób.

Mini słownik:

podziwać - popatrzeć,

kierchów - cmentarz,

porachować - policzyć,

farosz - proboszcz,

wadzić się - kłócić się,

haltować - zatrzymywać,

przedbiyżki - przedbiegi,

krawal - zamieszanie.

Mjyjcie sie wszedcy dobrze i wiesiołego popióntku.

Wychodząc na przeciw czytelnikom/internautom - miłośnikom naszej gwary w dzisiejszym i w następnych odcinkach “Co tydziyń po naszymu” będziemy łączyli tekst pisany ze słowną interpretacją. Będzie to ciekawe przeżycie dla tych internautów, którzy nie znają dobrze naszej gwary i mówione słowa przekażą im specyfikę ich używania/wymawiania, szczególnie jeżeli chodzi o akcent i nosówki. Dzisiejszy tekst ma tytuł "Ekumenizm dlo wszeckich".