CO TYDZIYŃ PO NASZYMU: Wystawili go Austryjocy

"...sie PEWEX sie nazywoł...". fot. FJD

”...to richtik mioł wszeckigo doś...”. fot. FJD

Dzisio Wóm zaś poczytóm po naszymu opowiadanie "Co sie kómu widzi", Zbigniewa Niemca z książki "Kaj idziesz człowiecze". fot. FJD

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Za to nie zawiyrali

Dzisio sprubujymy kapke delij sie przidzierżeć przi tym hotelu co kiejsi Mischkym sie mianowoł. Nie wiym czy eszcze gdo pamjynto, że w rokach siedymdziesióntych wystawili go Ausryjocy, coby Cieszyniocy uwidzieli też kapke Europy. Nie było to jednakowóż do wszeckich, bo gdo mioł chynć cosi zjeś, abo czegosi sie napić musioł być przi kapsie coby gupie nie wyglóndać, a poza tym było też to łod rynki i eszcze trzeja było weznóć TAXI. Jak sie za wami tam dwiyrze zawrziły to zaroz po lewo mielimy tam taki kszeft co sie PEWEX nazywoł i w kierym płaciło sie yno dularami, coby zaroz każdy wiedzioł kaj je. Gorzij jednakowóż było s tymi dularami, bo za ich kupowani i przedowani szło sie do harestu, a nie było kaj ich dostać. Nejsrandowniejsze było jednakowóż to, że szło ich mieć wiela sie chciało i za to nie zawiyrali. Kszeft tam mieli fórt, bo downij każdy Austryjok abo Italjaniec kiery jechoł na połednie Europy, tam sie zastawił, coby cosi wchynóć na ruszta, abo możne swoji umynczóne ciało wyprościć na strużoku. Dzisio to uż żodyn nie pamjynto, że kiejsi s Warszawy jechało sie aji siedym godzin, a dzierżeć wolant w telkowny czas, to tym tuplym ci zagramanicznicy byli utropióni. Auta też kiejsi ni miały takich dobrych fedrów i jak eszcze trzeja było przejechać przez rynek każdej dziedziny na kierym zawsze była jakosi krziwo kostka to jak dojechoł do Cieszyna to richtik mioł wszeckigo doś.

Mini słownik

kapke - trochę,

sie mianowo - nazywał się,

być przi kapsie - mieć pieniądze,

dwiyrze - drzwi,

kszeft - biznes,

harest - więzienie,

nejsrandowniejsze - najzabawniejsze,

strużok - siennik,

wolant - kierownica,

tuplym - potwierdzenie,

utropiyni - umęczeni,

fedra - sprężyna,

dziedzina - wieś.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie "Co sie kómu widzi", Zbigniewa Niemca z książki "Kaj idziesz człowiecze".