CO TYDZIYŃ PO NASZYMU: Je na polu coroz cieplij, a to do życio ni ma dobrebyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Nie wiym, jako se to ci młodziocy myślóm zrobić, coby tyn luft był ganc przeźroczysty i szło bez gasmasek wszyndzi wydychać. Przeca na zicher nie styknie prziś yno na rynek s rozmajtymi papyndeklami i narobić krawalu, a to sie samo zrobi. Zeszły pióntek kapke dziecek szło na rynku uwidzieć, kiere domogały sie, coby urzyndniki ich wyposłóchały. Krawal był taki, że trzeja było uszy zatykać i to by było na tela. Nieskorzij sie w spokoju rozeszły do chałup i do dzisia ni mogym prziś na to, jaki mieli napad s tym luftym. Ludzi miyszko w Cieszynie coroz mjynij, rozmajtych kafloków, kaczyc i żazioków ubywo, a jak przidzie zima to ni ma czym wydychać. Ni ma to taki leki s tóm ekologijóm, bo wszedcy by chcieli mieć coroz nowsze i lepsze wieca, a nie wszymajóm se tego, że do tego trzeja fórt moc rozmajtej energije. Nejwjyncyj potrzeja sztrómu rozmajtym maszynóm i gesztelóm, coby łóne mógły wszeckimi kolcami fórt ruszać, a to ni ma taki leki, bo tyn sztróm je im fórt potrzebny, a nie yno na chwiliczkem. Tyn świat tak uż je rozegnany, że isto chocioż kapke go zastawić bydzie wielko bjyda i tak naprowde ty dziecka co tyn krawal robiły na rynku miały recht. S drugi stróny jak by tak wszecko stanyło, to aji na dziedzinach ludzie by tego nie przeżyli. Kiejsi każdy cosi chowoł i szło uwidzieć kole chałup jak sie plyntła rozmajto gowiydź i babucie. Kiejsi każdy w chlywie dzier-żoł krowe, kozy, a ku tymu aji barany. S tych zwiyrzónt szło mieć wszecko do jedzynio i do oblyczki, a dziepro jak kómusi tego nadbyło, to jechoł s tym na torg. Nie potrzebowoł do baku żodnej bynziny, bo zaprzóngnył kónia i jechoł ku miastu. Mini słownik: luft - powietrze, ganc - całkiem, papyndekiel - tektura, krawal - hałas, kapke - trochę, wyposłóchać - wysłuchać, nieskorzij - później, prziś na to - wpaść na to, napad - pomysł, kaczyca - piec żelazny, żaziok - piec na trociny, wieca - rzeczy, fórt - ciągle, sztróm - prąd, wszymajóm - pojmują isto - pewnie, zastawić - zatrzymać, recht - racja, dziedzina - wieś, gowiydź - drób, oblyczka - ubranie, dziepro - dopiero Tóż miyjcie sie wszedcy dobrze i wiesiołego popióntku.
|
reklama
|
Dodaj komentarz