CO TYDZIYŃ PO NASZYMU: Jak sie pozadzi w zogródki flandzki to idzie na tym cosi prziszporowaćbyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Eszcze kapke metrów nóm zustało do kóńca tego szpacyru po tej Hażlaski i trzeja bydzie sie dobrze dziwać coby niczego nie pominyć. Nie idzie przeca nie widzieć tych dziur i łat na ceście, a przi tym brakuje konska chodnika s łobu strón. Kapke dalij je krziżowatka s ulicami Bucewicza i Folwarcznej kierymi dzisio nie bydymy szpacyrować. Napiszym yno, że przi tej Folwarcznej je zogród ”Karolinka” a przi Bucewicza hotel “Gambit”. W tym zogródku “Karolinka” miastowi sadzóm wszelijakóm zielynine i poradzóm na tym cosi w dzisiejszych czasach prziszporować. Zaś jak kiery nie wiy to wóm powiym, że tyn “Gambit” był kiejsi hotelym robotniczym i miyszkali tam ci co s znaszli w Cieszynie robotem, a na kwartyr musieli kapkem poczkać. Dzisio mómy ganc inakszyj, bo nima żodnej roboty a na kwartyr sie nie czako yno kupuje sie go na borg. I tu mómy kolco zawrzite, bo jak ni mómy roboty to żodyn nóm piniyndzy na kwartyr nie pojczo i tym tuplym bez kwartyru nie bydymy w Cieszynie szukali roboty. I zaś po kierysi roz prziszli my na to, że trzeja by było porachować sie z tymi co kozali w Cieszynie ty wszecki werki pozawiyrać, a ludzi rozegnać po świecie. Zaroz na prociw we winklu stoji nieopucowano chałupa, kiero straszy zarośniónym płotym na kierym wisi chwolidło łod jakisigo magla i pisze na nim, że egzystuje uż tam dwacet roków. Na prociw stoji przedwojynno dwupiyntrowo doś wielko chałupa, kiero po zrychtowaniu i łopucowaniu mo być kwartyrym dlo cieszynioków posuniętych w rokach. Dalij trefiymy na moc nowych i starych chałup, kiere se ludzie zrychtowali i teraz wyglóndajóm jak nowe. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Bez kwartyru".
|
reklama
|
Dodaj komentarz