CO TYDZIYŃ PO NASZYMU: Upajtoł strómbyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Moc tusteloków sie pyto, skyrs czymu ty urzazane strómy przed banhofym w Cieszynie, telkowny czas fort leżóm tam na kupie. Prawi sie, że skyrs tego coby ty insze, kiere eszcze sie obstoly, dowały se pozór i dalij nie rosły ani nie hrubły, bo ich też bydzie czakało ur-zniyńci. Kiejsi jak kiery upajtoł stróm, to go pociył na piyńki, a nieskorzij pocipoł, coby dobrze uschło i dobrze pod blachóm gorało. Zaś ty hrubsze i wiynksze brali stolorze i tesorze, kierzi dycki mieli jakisi napad, co ś niego zrobióm. Jedni wystrugowali s tego krokwie, coby nieskorzij poskłodać na dachach rozmajte wiyńźby, a drudzy rozmyślali czy sie im s tego drzewa nie podarzi zrobić jakigosi szranku, odmaryje, abo możne aji pore sztokerlików. Dzisio widać, że ci to ty drzewa ur-zli majóm to ganc w rzici, co sie nieskorzij ś nimi stanie. Możne, że ich tam na tej kupie niechali, coby skrymbiały i bydóm mieli po kłopocie. Bo przeca trzeja by sióngnóć do kapsy i zawiyś to do tartaku w kierym porzazali by to na deski, a przeca to cosi kosztuje. Dycki to je tak, że łacnij je wyciepać każdóm wiec, kiero sie uż na nic nie godzi, bo to je zdarma. Dzisio wszecki wyciepane wieca, trzeja zawiyś na rychlij przirychtowany przez miastowych urzyndników plac i za to trzeja zapłacić. Jak tak delij ta kupa drzewa bydzie dziubała ludzi w łoczy, to sie na to wszedcy zwyknóm i możne, że insi, kierzi nie nie wiedzóm co ze swojimi ur-zniónymi strómami zrobić to ich też tam prziwiezóm. Żodyn przeca nie bydzie wiedzioł czyji łone sóm, bo ur-znióne strómy nie sóm przeca jednaki i trzeja fachmóma coby rzeknył, że to je dejmy na to brzim, smrek abo jakosi jedla. Mini słownik: skyrs - z powodu, urzazane - ucięte, strómy - drzewa, fórt- ciągle, hrubły - grubły, upajtoł - uciął, Mjyjcie sie wszedcy dobrze i wiesiołego popióntku.
|
reklama
|
Dodaj komentarz