CO TYDZIYŃ PO NASZYMU: Dzisio uż idzie robić sztróm byle kaj i s byle czego"...nakupić zielyniny do swoji zogródki...". fot. FJD "...Szkoła Podstawowa nr.6 w Cieszynie...". fot, FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Dzisio uż my sóm prawie w Kalymbicach i ta cesta ku szkole kiero idzie s kopca chce ody mie wartkigo szpacyru. Nie wiym czy sie ji to podarzi, bo przeca eszcze cosi po ceście trzeja zoczyć. Po lewo wedla cesty je kónsek gróntu na przedoj, ale ta płachta kiero to zachwolo je jakosi niepodarzóno i szuro wisi na dwóch kulikach, a ku tym je eszcze potargano. Na prociw po drugi strónie cesty stoji chwolidło, kiere namowio nas do kupiynio se jakichsi strómków i chrostów, aże kansi we Bąkowie. Nie wiym co se łóni s tego “Parku Roślin” rozmyślajóm, że to niby każdy szofer spamiynto, coby za szternos kilometrów zadzierżeć sie w tym Bąkowie i nakupić zielyniny do swoji zogródki? Kapkem niżyj za płotym stoji szkoła, kierej bydzie szejśćdziesiónt roków jak jóm tam na tym placu postawili. Kiejsi była ganc bioło, bo dziesiyńć roków po wojnie eszcze nie było pieknych farb, ale za to dzisio mo piekny żółty puc i ceglasty dach. Wedla dwiyrzi po lewo wisi na ścianie wielko modro tabula s kierej idzie sie dowiedzieć, że ta Szkoła Podstawowa nr 6 w Cieszynie mo jakómsi etykietem energetyczną, ale ku czymu sie to patrzi tego nie wiym. Możne, że dziecka majóm tam kansi w piwnicy rowery s dynamami i na WF-ie kryncóm fest pedajlami, kiere robióm sztróm. Możne, że też chytajóm do jakisikej ruły wiater s korytarzy po kierych na przerwach gónióm dziecka i tyn wiater puszczóny do fyrtoka też robi sztróm. A na kóniec możne, że i na dachu majóm tam jakisi solar i to wszecko do kupy dało im zwól na te tabulem s kierej isto sóm fest radzi. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Kryncóm pedajlami".
|
reklama
|
Dodaj komentarz