CO TYDZIYŃ PO NASZYMU: Chlyb to je świynto wiec"...chlebiczek tam zawsze je świyrzy...". fot. Ewelina Szuścik "...na nij też wiszóm roztomajte,barewne chwolidła". fot. Ewelina Szuścik być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Piyrszy dziyń jesiyni uż je za nami, a my na tych naszych szpacyrkach po dziedzinie dokulali sie aż do Zybrzidowickij piekarni. Przez ceste od szrotu przi kierym my byli ostatnio je żółto chałpa na kieróm prawióm, że to je kszeft wielowiecowy. Idzie tam dostać wszecko co nóm ni ma do żywobycio zbyteczne jak: roztomajte wónidła do pranio, przez czytaczki, po nugle, kónzerwy, a nejważniejsze to je chlyb. Dycki je to dobre, bo chlebiczek tam zawsze je świyży skuli tego, że piekarnia je zaroz za ścianóm tego kszeftu. Je też tam s kraja szumno tabulka na kierej sie ogłoszajóm pojiczkorze i na nij też wiszóm roztomajte barewne chwolidła. Kole tej chałpy łokropnie, fajnie wónio świyrzym chlebiczkym tuż kożdy gdo mo żyrke nie poradzi przyńś i nie kupić se chocioż żymły abo rożka. Na kożdej dziedzinie piekorz musi być, bo śniodani i swaczyna bez chleba byłyby łokropnie liche. Dzisio chodzymy do piekarni i se wymyślómy, że chcymy dejmy na to chlyb kminkowy. cebulowy czy posypany po wyrchu makiym abo sezamym. Kiejsi żodnymu by nie prziszło do czerepa se wymyślać. Hańdownij ludzie mieli starości, coby mieć za co kupić tyn chlyb, bo fórt im na cosi chybiało. Nejprzód coby na polu cosi urosło, potym coby to s tego pola pozbiyrać, wymłócić... to i go szanować poradzili. Zawsze s chlebym obchodzili sie ze szacunkiym i nic sie nie marniło. Dzisio chlyb leży po rantach, nieroz na ceście, abo w śmieciach. Ludzie żodnej gańby ni majóm i poszanowanio do roboty inkszych.Mocka ś nich se myśli: "Na dyć chleba je moc, jutro se kupiym świyrzy przeca stoji pore groszy". Taki mómy czasy, że pinióndze, jak chackóm przikrywajóm nóm oczy i jak funsok cisnóm w plecy, bo lepij udować niż sie zgnóć i podnyś chlyb ze ziymi choć by ze szacunku dlo tych, co kiejsi musieli sie fest narobić coby mieć choć by piyntke... Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł: "Dej se zoleżeć".
|
reklama
|
Dodaj komentarz