Pón Hojdysz isto sie w grobie przewraco jak widzi wiela to cudzych piekorzi kszefci w CieszynieKszeft w kierym idzie zwekslować nasze pinióndze Dzisio uż tam nima żodnego złota Skónsi s jakigosi Czernichowa być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Zaroz za tym butikym,kiery mo wyoślyni po angielsku, uż dłógi roki egzystuje kszeft w kierym idzie se zwekslowć nasze pinióndze na inksze.Moc sie tam u nich nie pomiyniało, bo pinióndz je fórt pinióndz i yno dzinnie inakszyj kosztuje. Roz idzie to do wyrchu, a po drugi na dół i trzeja przemiyniać to dycki jak je to we wyrchu.Zawsze sie to jednakowóż nie podarzi, bo ty kursy pinióndza ni majóm nic do rzeczy jak chybi nóm grosza w kapsie, a w szrajtofli mómy yno dulary. Je też tam u nich cosi przepómnianego, bo na tych szyrokich futrach przirażóno je tabliczka na na kierej pisze, że w postrzodku majóm eszcze strzybło i złoto. Sie mi zdo, że to tam mieli, ale uż isto s dziesiyńć roków tymu jak eszcze tam przedowoł taki mały panoczek. Dzisio tam nima uż żodnego złota i na łoczy sie yno ciepie taki inkszy przi kości wielki panoczek , kiery fórt stoji na polu przi dwiyrzach, ale yno jak je piekno pogoda. Zarozinko wedla tego kantora przikludzila sie niedowno zaś jakosi nowo piekarnia-cukiernia, aże aż skonsi s jakigosi Czernichowa. Kapke mi je luto, że w naszym Cieszynie uż nima takich piekorzi, coby odewrzili swoji kszefty i fórt jacysi cudzi muszóm nóm cosi wciskać. Przeca tyn Czernichów to nima żodno dziedzina wedla Cieszyna, ale je to aż kansi kole Tresnej i ty wszecki chleby i ciastka trzeja wjyś przeszło 65 kilometrów.Nie wiym jako se to gdo myśli, ale tako droga przeszło godzine po tych naszych dziurawych cestach tym słodkościóm dobrze przeca nie zrobi.Świyże to je zawsze świyże i uwarzone, abo upieczóne we swoji kunchyni szmakuje inakszyj i nie pumoże tu żodne pisani na szyldzie, że je to na jakisich tradycyjnych recepturach. A ło jakóm tradycyje sie rozchodzi to i tak nigdy żodyn nie wiy. Mini słownik: Tóż miyjcie sie wszedcy dobrze i wiesiołego popióntku Dzisiejszy tekst ma tytuł: "Jacysi cudzi"
|
reklama
|
Dodaj komentarz