zdjęcie fot: fot. FJD

CO TYDZIYŃ PO NASZYMU: Stanyła kiśnia

Cieszyn,
Kącik gwarowy,
Reportaże,
Wiadomości,
Nasze sprawy,
Powiat - 29 października 2016 09:00:00 , data aktualizacji: 29 października 2016 09:53:29

F.J.DRAL

fot F.J.DRAL

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo

być zawsze do prawjynio gotowo

a jak cie uż żodyn nie bydzie rozumioł

to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Stanyła kiśnia

Dzisio muszymy kapke sie curyknóć, bo trzeja eszcze cosi napisać ło tych, co nóm do Cieszyna przikludzili Japónije. Coby łóni sie na mie nie boczyli skyrs tego żech zeszły tydziyń napisoł jako to kormióm cieszynioków surowymi rybami, to dzisio eszcze do tego przidóm, że idzie u nich też wciepać na ruszta cosi upieczónego. Isto dziynka tymu rozmajtymu kustowaniu tusteloków, kiere łóni se wyszpekulyrowali, jakosi agyncyja co sie mianuje TripAdvisor wysztajgowała ich na piyrszy plac w Cieszynie. Wedla nich sóm dwiyrze w kierych idzie trefić na kszeft s wiecami przidajnymi do rachowanio piniyndzy we sklepach, a przi tym idzie u nich dostać to wszecko co dzisio ludzie potrzebujóm do pisanio i rachowanio. Jako jim sie to podarziło, że w tych samych futrach stanyła kiśnia do wydowanio piniyndzy tego nie wiym,ale je to przidajne jak przi kupowaniu jejich wiecy chybi kómusi piniyndzy.Kónsek dalij idzie eszcze trefić na jedno biuro w Cieszynie łod rozmajtych asekuracyji,kiere znaszło se plac w chałupie łod firmy “Społem”. Skyrs czymu łoni majóm przi swojim mianie sztyrolistnóm kóniczyne tego nie wiym,ale isto ta partyja, kiero je s tym zielónym listkym skuplowano podeprze ich, jak by prziszło im wartko zbankrucić. Teraz uż mogymy sie zaś podziwać na tych”Konczakowskich” i eszcze roz ich połoglóndać.Na tym płotku łod tego zogródka,kierego eszcze nie skludzili wisi chwolidlo i reklamuje jakomsi dwutydniowóm brzynczke. Nie wiym czy taki piwo je zdrowe do picio, bo s tego coch poczytoł to, nejleszyj szmakuje to, kiere” leży” we wielki beczce nejmiynij sztyry tydnie.

Mini słownik:
kapke - trochę,
curyknóć - cofnąć,
przikludzili - przyprowadzili,
przidóm - dodam,
wciepać - wrzucić,
kustowani - odżywianie,
wysztajgowala - awansowala,
kszeft - sklep,
podarziło - udało się,
futra - ościeżnice,
wieca - rzeczy,
skyrs - z powodu,
skuplowano - połączona,
podziwać - popatrzeć,
brzynczka - młode piwo,

Tóż mijyjcie sie wszedcy dobrze i wiesiołego popióntku

Dzisiejszy tekst ma tytuł "Stanyła kiśnia":

Zobacz również:
22 października 2016 CO TYDZIYŃ PO NASZYMU: Wypłowiały papyndekiel	15 października 2016 CO TYDZIYŃ PO NASZYMU: Niechać zarobióne pinióndze idzie byle kaj	8 października 2016 CO TYDZIYŃ PO NASZYMU: Cudzy trefi sie czasym aji dobrym kamratym	1 października 2016 CO TYDZIYŃ PO NASZYMU: Sztrof idzie chycić łod miastowego wachtyrza za bele co

Komentarze: (0) Zobacz opinię czytelników (0) Dodaj opinie

Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

CO TYDZIYŃ PO NASZYMU: Stanyła kiśnia

Dodaj komentarz