, sobota 18 maja 2024
CO TYDZIYŃ PO NASZYMU: W Cieszynie mómy aże szejść pieknych depów.
”...kościoła pod wezwaniem Jana Chrzciciela”. fot: fot.FJD



Dodaj do Facebook

CO TYDZIYŃ PO NASZYMU: W Cieszynie mómy aże szejść pieknych depów.

F.J DRAL
CO TYDZIYŃ PO NASZYMU: W Cieszynie mómy aże szejść pieknych depów.

”...stoji depo,kiero mo dwoje pieknych czyrwiónych dwiyrzi...”


CO TYDZIYŃ PO NASZYMU: W Cieszynie mómy aże szejść pieknych depów.

”...pod dachym wisi wielko tabula...”

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.


ZA FRANCA JOZEFA

Dwa tydnie tymu napómknył żech ło tych dziwokich nomerach na naszych żółtych autobusach i zarozinko naszli sie tacy co mi to wyośliłi, co bych s tym prziszeł do porzóndku. Jo wyszpekulyrowoł całóm teoryje, a to je ganc ańfachowe i tustelokóm to wyklarujym. Piyrsze nomero patrzi sie w kieróm stróne autobus jedzie, a drugi to je jego nomer. A kiery nie wiy, abo to przepómnioł to mu spómnym, że piyrsze sztyry autobusy były czyrwióne i sztartły 28.12.1982 ku Pogwizdowu i ku Kalymbicóm. Dzisio wydropali my sie na tyn kopieczek wedla Mniszwowego depa i jejich kościoła pod wezwanim Jana Chrzciciela. Jak sie jednakowóż tak bliżyj przizdrzymy tymu kościółkowi to uwidzymy, że sóm tam dwa i jedyn stoji wedla drugigo. Myślym se, że jak stawiali tyn nowy w 1992 roku to sie im tego starego zrobiło luto i tak go niechali do dzisia. Teraz możne mogóm se wybrać w kierym kościele lepszyj przidzie se porzykać i farorz musi dycki mieć dwa klucze przi sie. Na prociw ganc na krziżowatce s ulicóm Słowiczóm stoji depo, kiere mo dwoje pieknych czyrwionych dwiyrzi skyrs sikowek, kiere tam w postrzodku dzierżóm. Za tym tepym w placu stoji tako drzewiano strzecha pod kierom isto kiejsi fajermóni robili festyny dlo tusteloków. Dzisio uż tam yno zustało pore ławek, a pod dachym wisi wielko tabula s kierej idzie sie wywiedzieć, że uż 100 roków tymu fajermóni gónili s sikowkóm po dziedzinie i ratowali cudzy dobytek. Je to bardzo piekne, że ta tradycyja przeżyła tak dłógo aże łod Fraca Jozefa przez sanacyje, socjalizm i do dzisiejszego liberalizmu, kiery je tak dokuczliwy, że koże im na festynach wyrachować sie s każdej sztwiertki kwitu.

Mini słownik:

  • tydnie - tygodnie,
  • dziwoki - śmieszny,
  • prziszeł do porzóndku - zrozumiał,
  • ganc - całkiem,
  • sztartły - wystartowały,
  • wedla - obok,
  • przizdrzić - przyjrzeć,
  • stawiać - budować,
  • zykać - modlić się,
  • skyrs - z powodu,
  • fajermóni - strażacy,
  • depo - strażnica
  • Miyjcie sie wszedcy dobrze i wiesiołego popióntku!

    Dzisiejszy tekst ma tytuł "Za Franca Jozefa".

    Komentarze: (0)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama