, sobota 18 maja 2024
CO TYDZIYŃ PO NASZYMU : Gorolskóm chałupe idzie aji w mieście postawić
”...Chałupka na kierej pisze”Tęczowa Kraina”. fot: fot.FJD



Dodaj do Facebook

CO TYDZIYŃ PO NASZYMU : Gorolskóm chałupe idzie aji w mieście postawić

F.J DRAL
CO TYDZIYŃ PO NASZYMU : Gorolskóm chałupe idzie aji w mieście postawić

”...piekno w gorolskim stylu chałupa.”


CO TYDZIYŃ PO NASZYMU : Gorolskóm chałupe idzie aji w mieście postawić

”...gdosi mo kszeft”JS Ogrody...”

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.


JE TAM SZKÓŁKA

Uż mie to szpacyrowani po tej ulicy Hallera mierzi, ale nima rady trzeja sie bydzie jakosi do kóńca doszmatłać i potym skryńcić we Słowiczóm. Po ceście eszcze cosi przeca obezdrzymy i jako piyrszo to je tako szykowno chałupka na kierej pisze “Tęczowa Kraina”. Coby jednakowóż sie wywiedzieć co tam je w postrzodku trzeja zozdrzić do WIkipedyji i dziynka tymu wiym, że je to szkółka. Placu na ścianie majóm moc i jakómsi richtig tabule szło tam prziszrubować, coby Mnisztwianie wiedzieli kaj posyłać małe dziecka jak tatowie idóm do roboty. Kónsek dalij po tej samej strónie cesty, kierysi postawił tak pieknóm w gorolskim stylu chałupe, że jak żech sie na nie dziwoł toch se myśloł żech je w Istebnym. Nie wiym czy łóna uż je fertig, bo na balkónie nimo gelendry zaś na placu je sóm szuter, ale w łoknach wiszóm forchangi, coby dowało do myślynio, że uż tam kierysi spowo. Zaroz na prociw gdosi mo kszeft “JS Ogrody", kiery doradzi wóm jak i kaj w i zogródce posadzić strómki, chrosty i inkszóm zielynine. Majóm tam w zogródce powieszónóm na dwóch słupkach wielkóm tabule na kierej zamias tych strómków i chrostów, kiere sadzóm, namalowali gumioki i giskane. Gumioki pasujóm raczyj ku rybiorzóm, ale możne w tym przipadzie patrzóm ku deptaniu po zogródce, kieróm bydóm zakłodać, a po tym opatrować. Piekne majóm tam przed chałupóm na kulato ostrzigane strómki, kiere sóm dlo nich żywóm reklamóm. Jak pokroczymy kónszczek dalij to uwidzymy, że jakisi szprytny kszefciorz odewrził interes ”Zagroda”s wiecami, kiere do tych zogródków bydóm móm przidajne, a przi tym na szyldzie zachwolo dziesiyńć inszych firmów.

Mini słownik:

  • doszmatłać - dojść,
  • cesta - droga,
  • obezdrzić - pooglądać,
  • zozdrzić - zajrzeć,
  • tatowie - rodzice,
  • kónsek - kawałek,
  • gelendra - poręcz,
  • fertig - gotowe,
  • kaj - gdzie,
  • strómki - drzewka,
  • chrosty - krzaki,
  • opatrować - opiekować,
  • kszefciorz - handlarz,
  • wieca - rzeczy
  • Miyjcie sie wszedcy dobrze i wiesiołego popióntku!

    Dzisiejszy tekst ma tytuł "Je tam szkółka".

    Komentarze: (0)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama