CO TYDZIYŃ PO NASZYMU: S potrzebóm uś to nima nigdy lekobyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Tyn przepiynknej urody Marklowicki banhof mo eszcze jednóm atrakcyje. Je to aport, kiery trzeja tam pochledać w chrostach, bo szczałka nas do niego kieruje. Za wczasu wóm prawiym, że tam nic takigo nie nóndziecie i jak sie wóm zachce to yno trzeja pochledać kapke gynstszych chrostów. Jedyn tustelok mi prawił, że uż pore roków tymu przijechało tam jakisikej wielki auto i tyn aport kansi wywiyźli. Dlo tych co sie gańbióm w tych chrostach rzić wypnóć nima inszego wyndzynio jak pochledać cosi co sie im przipasuje do zadku. Możne, że im sie to podarzi w ”PPHU Budlądzie”, kiery nóndóm pore metrów dalij. Majóm tam łóni takóm modro-żółtóm doś wielkóm budkem w kierej isto na zicher taki aport idzie znónść. Je to przeca jak pisze na tej tabulce kszeft produkcyjno-handlowo-usługowy i dlo potrzebujących se zrobić ulgem takóm usługę też zaoferujóm. Chocioż jak sie tak dobrze przizdrzić tymu autu co tam na jejich placu stoji to ciynżko bydzie prziś na to co łóni tak naprowde robióm. Bo jesi gdo wiy co to je “Sportplatz” to bydzie se wszymoł, że łóni jak kiery se u nich robotem obszteluje, to na placu zrobióm mu boisko. Mało tego eszcze pisze tam, że bydóm go potym aji fórt opatrować. Je żech ganc zbałuszóny, bo na aucie pisze po nimiecku a na jejich “biurowcu” po polsku. Możne, że poczuli sie tak uż fest w tej Europie, że poradzóm aji w Niymcach szportplac kómusi wyrychtować. Tak czy inakszyj jesi gdo chce se u nich jakomsi robotem obsztelować to musi nejprzód cosi aji po nimiecku zachycić. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Wielki i bieluśki".
|
reklama
|
Dodaj komentarz