CO TYDZIYŃ PO NASZYMU: Rzykanio nigdy nima za moc i poradzymy to aji robić dóma jak my sóm nimocni

“... pinióndze poszły na wyrychtowani haźli...”. fot. FJD

Dzisio Wóm zaś poczytóm po naszymu opowiadanie ”To była suka” Roberta Danela, z książki “Beskidzkie Opowieści Ludowe". fot. FJD

Redakcja portalu www.gazetacodzienna.pl nawiąże współpracę z miłośnikami naszej pięknej, cieszyńskiej gwary, którzy podjęliby się współtworzenia "Kącika gwarowego" poprzez pisanie gwarą krótkich opowiadań o swoich miejscowościach. Mogą one przybrać formę wspomnień lub aktualnych spostrzeżeń na temat swojej "małej ojczyzny". Przesłane opowiadania mogą zapoczątkować cykle: "Szpacyrek po..." Skoczowie, Strumieniu, Goleszowie lub innej cieszyńskiej miejscowości.

Chętnych prosimy o kontakt telefoniczny lub mailowy. Tel. 602-571-636 lub redakcja@gazetacodzienna.pl

cd. słownika:

baji - na przykład
Baji jo se legnym na strużoku.

bajtel - mały chłopiec
Za bajtla posołech krowy.

Dzisio muszymy przynś do tego winkla kaj sie zaczyno Plac Domiikański i zaroz za nim dowiymy sie, że w taki zielónej chałupie uczóm sie też nasze dziecka ty bardziyj wyrośniynte. Tam też tym dzieckóm wciskajóm do czepani rozmajtóm inszóm mowe coby jak uż zachycóm co to je świat gładszyj im szło uciyc tu stela. Co to je za fanta coby sie tej cudzej rzeczy uczyć kaj jyno sie do a potym kansi smykać sie po świecie. Kónsek dalij mómy nejwjynkszóm w Cieszynie fare w kierej jak se myślym miyszko farosz i jego paterkowie. Jejich purpuraciu uż downo prziszli na to że,lepszyj je s ludziami rzóndzić po takimu coby wszedcy wierni to rozumieli i tym róntym zakozali w kościołach rzykać s tóm łacinskóm rzeczóm. Ta nastympno nie opucowano chałupa to je szkoła w kierej eszcze cosi przidatnego uczóm w tym naszym Cieszynie. Je to budowlanka bo tak jóm wszedcy kiejsi nazywali i możne, że dziecka też dzisio jóm tak mianujóm. Że sie obstoła to je jakisikej dziw i możne, że kierysi mi napisze jako to dopadło, że ci cieszyńscy reformatorzy eszcze sie do ni nie dobrali coby jóm zawrzić. Możne, że też kiery bydzie wiedzioł co społecznego s tóm szkołóm mioł gen. S. Rowecki, bo na jego tabulce, kiero wisi tam na ścianie nima porzóndnie wyoślóne skyrs czymu akurat tam jóm przibili. Przeca tyn generał znoł sie jyno na gwerach i na nasmolowaniu Niymców a ze stawianim chaup ni mioł nic społecznego. Cały tyn plac przed tóm faróm je bardzo pieknie wyłożóny kamiynianymi kostkami coby żodym głowy nie przipod i nie fluchcił jak przidzie do kościoła se porzykać za swoji grzychy. Ganc wedla mómy przyleżytość zozdrzić do kina ”Piast” i pospóminać se downe czasy bo niewiela sie w nim zmiyniło i je tam fórt joko było downij. Isto wszecki pinióndze udali na wyrychtowani haźli, kiere sóm w postrzodku miasta ganc wedla tego kina. Je to dobre dlo ludzi co majóm słaby zdziyrż i nie poradzóm s ”tym” dolecieć do swoji chałupy.

A teraz zaś fajny wic:

W chałupie je wielki krawal. Baba do chłopa: - Dzisio mój głos s postrzodka mi prawi... Chłop nie zdzierżoł i łodpyskowoł snadno: - To ty eszcze mosz dodatkowy głos w postrzodku? Przeca tego krawalu na dwa głosy jo nie zdzierżym.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie ”To była suka” Roberta Danela, z książki “Beskidzkie Opowieści Ludowe".