CO TYDZIYŃ PO NASZYMU: Cosi sie jednakowóż obstoło"...piekne kolco...". fot. FJD "...w Cespie wyrobiali wszelijaki szwajs aparaty...". fot. FJD Dzisio Wóm zaś poczytóm po naszymu opowiadanie "Sceniczne kłopoty", Heryka Jasiczka z książki "Humoreski Beskidzkie". fot. FJD SZPACYRKYM PO CIESZYNIE "Moja ty słodko cieszyńsko mowo Duchać do fyrnioka Mało razy przi tym szpacyrowaniu po naszym pieknym Cieszynie trefióm sie nóm taki dziwy jako na Frysztacki nomero sztyrycetdziewiyńć. Bo podziwejcie sie ludzie, że jednakowóż znaszli sie też jacysi móndrzi co sie szprajcli i nie dali se obalić swojigo werku. To sóm przeca dziwy nad dziwami coby jednakowóż tacy sie ludzie w Cieszynie naszli i nie dali se duchać do fyrnioka. Jak tam kiedy tyndy bydziecie sie szmatłać na szpacyrze to nie ściepujcie bryli ani nie trzijcie łoczy, bo je to fakt prowda, że tam stoji tym werk co stoł eszcze za socjalizmu i mało tego fórt cosi wyrobio. Bo nie wiym czy wiycie ło tym jako to gorole prawióm o tej prowdzie i se wymyślili aże trzi prowdy: 1. Prowda 2. Cało prowda 3. Guwno prowda. A ło tym werku kiery sie tam obstoł to je ta cało prowda abo eszcze inakszyj - tuplowano prowda. Mało, że go nie obalili to eszcze dzisio wyrobiajóm tam fest potrzebne wieca, kiere przedujóm kóncernóm motoryzacyjnym. Sóm to wszelijaki odkuwki ze zielaza, kiere łóni potym przerobiajóm na przydajne tajle to autów. Kiejsi tyn "Promot S.A." nazywoł sie "Cespóm" ale isto dzisio cosi tymu liberalizmowi nie pasowało i musieli sie przechszcić na insze miano. W Cespie wyrobiali wszelijaki maści szwajs aparaty, kiere wszeckim były przydajne i naroz tak jak s inszymi wiecami s Cieszyńskich werków przestały sie godzić. Obstoło sie też tam na jejich chałupie piekne kolco, kiere kiejsi zamis pucu abo farby gdosi pieknie poukłodoł s potłóczónych żbónków abo talyrzi i do dzisia sie to pieknie na tej ścianie dzierży. Widać s tego, że aji kiejsi udało sie cosi porzóndnie przirazić do ściany. Mini słownik: Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "Sceniczne kłopoty", Heryka Jasiczka z książki "Humoreski Beskidzkie".
|
reklama
|
Dodaj komentarz