CO TYDZIYŃ PO NASZYMU: Jakosi Cieszyn przeżył tyn cyrkus zeszły czwortek

"...i jakigosi rezewnigo chłopa wrazili na koło...". fot. FJD

Dzisio Wóm zaś poczytóm po naszymu wierz "Wiater", Anieli Kupiec z książki "Po naszymu pieszo i na skrzidłach". fot. FJD

Szanowni internauci i miłośnicy naszej cieszyńskiej gwary: Zapraszamy Was do wystartowania w konkursie na "Najpiękniejsze Cieszyńskie Słowo". Na naszym portalu www.gazetacodzienna.pl należy kliknąć na wiadomości a potem w spisie odszukać hasło "Najpiękniejsze Cieszyńskie Słowo" i w ten sposób można zapoznać się jak wystartować w konkursie. Kupon konkursowy można też otrzymać we wszystkich bibliotekach powiatu cieszyńskiego od Istebnej po Zebrzydowice. Dlatego zachęcamy też wszystkich, którzy preferują pismo odręczne o pobranie i wypełnienie kuponów konkursowych w naszych powiatowych bibliotekach.

cd. słownika:

Agryz - agrest
Jo móm latoś szumny agryz jyno na dwóch krzokach

Aji - nawet
Hanka mo w izbie aji telewizor

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Fórt świyży luft

Zeszły czwortek skyrs tej jazdy na kołach cały półdnia nie szło szpacyrować po Cieszynie ani przynś przez ceste. Isto nie wszedcy widzieli wiela to tych balónów i inszego charapucio porozkłodanych było po tretuarach i na cestach, to jak teraz ło tym napiszym to możne bydóm radzi. Miały ty balóny wszecki możebne barwy łod czyrwiónej do modrej, a przi tym żeby pieknie rowno stoły duchali do nich fórt świyży luft. Cały tyn cyrkus szeł przez Głymbokóm i Rynek a potym uż inszymi ulicami ku grancy przez łoba mosty i zaś spadki. Tak to było isto dorzóndzóne z Czechami coby im też cosi małoś niewiela z tego kapło i zarobili pore korón. Prziszełech sie na tyn cyrkus podziwać ło sztwierć na jednóm po połedniu i uż ty pieróny miały to wszecko gotowe. Wygłóndało to jakby uż tym padym łóni mieli sie pokozać na tych kołach i wartko jechać na przedbiyżki. Mieli przijechać ło pół szóstej ale musiało ich cosi przidzierżeć, bo trzeja było jednakowóż doczkać do trzisztwierci na sześć. Jak my sie ich uż przeca doczkali to radości i wrzasku były pełne gymby. Przejechali kole mie trzi razy ale jyny ty dwa piyrsze szwóngi kludził na przodku Polok, a tyn trzeci roz kansi sie stracił i była uż ich jyno cało kupa. Jednakowóż jak żech sie im tak dobrze przidrził to na przodku uwidziołech jednego Czecha, kiery wartko gzuł ku mecie. I tak se myślym czy ci nasi "bratrzi" cosi tam w tym Czeskim Cieszynie nie zwekslowali i jakigosi rezerwnigo chłopa wrazili na koło coby nóm utrził nosa. Abo możne cosi chynyli tymu swoimu do popicio i łón nabroł takigo szwungu, że uż żodnymu nie doł sie przedjechać.

A teraz zaś fajny wic:

Jedna paniczka poszła do harestu widzieć sie ze swojim chłopym. - Jak tu bydziesz siedzioł tych pore miesiyncy to wystawiej swój pysk ku słóńcu. - Czymu? - Tóż skyrs czego? - Boch jo rzekła naszym znómym, żeś pojechoł cosi przirobić do Afryki.

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu wierz "Wiater", Anieli Kupiec z książki "Po naszymu pieszo i na skrzidłach".